انا في الشعر قناص وحـروف القصيـد أوعـول=شوارد في بطون الشعر وانـا راعي شواردها
اوردها بحور القاف واصدرهـا علـي المدلـول=وادون فـي معانيهـا سوانـح فـكـر قايدها
ولوطالت علي الشعار وكانوا في القصيد افحول=مرامي زولها ياصاح انا بالعون صايدها
ويعجبنـي بديـع الشعـر ولايعجبنـي المعلـول=ويمم صفوة القيفـان واشرب مـن مواردها
واطرب يوم ياصلني من افحول الشعـر مرسـول=يقـول احسنـت يامحمـد ويثني لي محامدها
انا لاجل العيون السود نشرت الشعر عرض وطول=من اقصي ديرتي حتـي نواحـي من مرافدها
لعين اللي يسامرنـي علـي سماعـة المحمـول=ويرسل لـي رسايـل شـوق تحرقنـي وقايدها
وحنـا ياعلـي لـولا وداد النايـفـات الـطـول=تركنـا الـود وادروبه وجافيـنـا نكايدها
لاكن الهوي جبار والزوم العذاب يطول=ومن يصبر علي الشدات يسعد في عوايدها
وانا لو مت ياخلـي يفنـي شخصـي المجهـول= ولاتفني حروفي دام محب لي يرددها
وبعض الناس ياخلي يغرك هرجه المعسول=ويخفي في ضميره دوم طعون السم كايدها
وسم الغول ياخلي يظهر من لغوب الغول=وماهي مرجله لاكن غوايل في مقاصدها
العرض الشجري
