إلى يـآلحزن : أبسأل بس وشـ باقي؟
ـــــــــــــــ وشاللي طالبه منّي لـ أجل تهديني | عنوانك ؟
أبسأل يـآ حزن عن اللي كان بأعماقي
ـــــــــــــــ قبل لا يمرّني طيفك ... وتدندن جرحي ألحانك
علامك جيت لي كلّك ؟ ولا فكّيت لي وثاقي ..
ـــــــــــــــ وأنا ما يوم ناديتك ... ولا دقيت بيبانك ..!
حضنت أيّامي بقسوة وأحسّك همت بـ عناقي
ـــــــــــــــ وصوّرت العمر بيدك وعلّقته بـ جدرانك ..
ياليتك تبعد وتنسى ياليتك تعلن فراقي ،
ـــــــــــــــ أنا ماعاد فيني شي يصبّرني : على شانك
كتبتك يا حزن عمري وفَرَح غيري من أوراقي
ـــــــــــــــ أنا لو تحسب جروحي : خطا في عدّها لسانك ..
دخيلك لا تشبّ النار وش إللي يفيد بـ إحراقي
ـــــــــــــــ تمهّل يا حزن وإصبر ، قبل تنهيني نيرانك
ترفّق يا حزن .. مابي تشمّت فيني رفاقي !
ـــــــــــــــ علامك تحسب طعوني زياده بدفتر إحسانك ،
سقاني هـ الزمن مرّه وصنت المر والساقي ..
ـــــــــــــــ تقهويت التَعَب منّك .. ولا هزّيت فنجانك ،
أمانة عوفها دنياي و رجّع كل أشواقي ..
ـــــــــــــــ أنا عندي كثير أحزان ولاني بحاجة أحزانك !
ــآمـيـرة بـجـمـآلـي ~
العرض الشجري
