قصيده لقلوبكم النقيه . . . !
علي الله ياجروحي سامريني والهوى مانام=عليم الله نظرات الولع ماني بناسيها
أنا مدري يمين الله قصه وبتدت من عام=يجوز من الحقايق لا ... يجوز أنا مسويها
خذاني مركب الأيام وين أقول أنا آستفهام=كذا ماني موري بعض خلق الله بلاويها
خذيت اللي خذيته من زهابي نظرتي قدام=تمشيت بشوارعها علي ذمت حواريها
مشيت ولا وقفت الا و أنا في موقف آستسلام=عجيبه في مناظرها عجيبه في مبانيها
عجيبه والعجب من يوم ما قدام عيني حام=تذكرت الهنوف اللي من الذكرى لياليها
تذكرت الهنوف اللي هوتني يوم حظي قام=و أنا طاوعت قلبي يوم قلبي قال ... ناديها
مشيت وقلت يابنت الشرف يااللي عليك ألثام=تعالي فرحتي في جيتي والله قتلتيها
عزيزه كانت بصدري معي و أن نمت جات أحلام=و أذا فتحت عيني شفتها ورجع وحييها
لها فيني نصيب ولا نصيب الحزن باليتام=و أنا ليه نصيب اكبر من آحزان الدهر فيها
عباير شوق .. مجهولة مصير .. أكثر بعد و لام=نعم واللي متعبني غلاة اللي مخليها
خذاه الموت ليت الموت عن زفرات أبوها صام=ولا تحيى حيات اللي غريبه بين أهاليها
تمر أيام فيها من حواليها تشوف آصنام=كثير اللي حواليها ولا كن من حواليها
تضم بعينها دمعه تضم .... بصدرها ما ظام=تقول النفس وين اللي عن الضيقه يسليها
تعيش الواقع المزري تقول أوهام .... كيف أوهام ..!=تقول أوهام تحزني تشم أثياب غاليها
تمر (بهاجس الذكرى) وترجع للوراء أعوام=تشوف انه يدللها .. يداعبها .. ويحميها
يجيها غيث قطراته صدى يسمع لها ونغام=و أذا هبت شماليه نبت نبته براضيها
نبت نبته براضيها علي مر الليالي دام=علي مر الليالي باقيه ذكراه تسقيها
هنا.... بوقف دقايق عبرتي هليتها ملام=من اللي بسنين اللي مضت هذي يبكيها
حسافه .. يا حسافه خيها لخدودها لطام ..!=أنا ماني مصدق كيف حاميها حراميها
قدر يمسح كرامتها عن أستعبادها ماشام=رمي بين أربعت جدران والهافين يرميها
تقول من الألم تبكي .... عفيفه ديني الأسلام=بكت لا كن ... بكها ماشفع لأخر أمانيها
تمنيت الستر في وقتها يمشي علي الأقدام=قهر كان الستر في وقتها ميت ويرثيها
لها ربي و أنا ماقول غير الواحد العلام=يعين الصابرين أمثالنا ياخذ بياديها
العرض الشجري
