يا أمي ياغلا الدنيا واصدق عاطفه في الكون
وادفى حضن يحضني واكبر قلب يحويني
انا بج دنيتي جنه وبسماتج مطر ونزول
وضحكاتج ربيع أخضر زهوره فتحت فيني
اذا شفتج ارى الدني .. صباح بالفرح مسكون
واذا غبتي عن عيني .. يغيب النور عن عيني
عشقتج والهوى طفل .. ربى في خافق المفتون
كبر هذا الطفل واصبح غرامه يسبق اسنيني
انا يامي ترى ما أوفيلج مهما يكون
جميلج دين في عمري وربي بج اموصيني
ومهما عشتي لج وافي بظل لج الوافي المديون
لانج روح في قلبي ودم في شرايني
امي اللي قلبها عن كل قلب
شفت منها في حياتي كل خير
امي اللي حبها من جد حب
يا حلات احساسها العذب الغزير
ان تعبت النوم يرفض لا يطب
عينها حتى تعرف اني بخير
ان بغيت احسب غلاها ما نحسب
احسب احسب لكن اغلط في الاخير
هاذي امي قلبها عن كل قلب
كيف اقارب حبها مع حب غير ؟
(امي)
أنا منك وأنتي مني
(امي)
ياأروع ملاك يحضني
ولو أقدر أحط عمري على عمرك
لان العمر من دونك مايهمني
من غيرك يا أمي
بطولة العمر أدعيله
ولآ ضاقت بي الدنيا
أحط راسي على صدره وأشكيله
يمه فديتك لاتقولين ناسي
والله مانسى من حملني حشاها
امي يانبع الحب ياتاج راسي
انتي سنا للعين وانتي ضواها
انتي دوا للروح لي اشتد ياسي
انتي انا لوقلت عمري فداها
م / ن
العرض العادي
