يوم الاثنين اغتني وصار بين
الأغنياء ترتيبه الثالث
و يوم الثلاثاء الفجر مات في حادث
***
فريق كوره دائما ترتيبه في الدوري الأخير
و إذا لعبوا ...و ... استبسلوا ... قبل الأخير
وبعد السنين الممحلة جاهم رئيس ثروته كثر التراب
عين مدير عنده من الخبرة كثير
شال الكبار ولّعب شباب
وجاب المدرب .. اللي له اسم مهاب
وتقدموا و وصلوا .. إلي الدور النهائي
ويوم النهائي وقبل المباراة بدقائق
في البلد حصل انقلاب
***
مسكين شين وفقير
وفي الدراسة حاول
انه يستمر ما استطاع
وضعه صعب أبوه مات وهو صغير
وما تركله إلا الفقر وأمه وأخته
و الهّم من فوقه وتحته
وما لقي لأجل الهروب من الضياع
إلا انه يدور وظيفة
أي وظيفة ولقي من ضيقته مخرج
وظيفة دخلها معقول
يمشي الحال .. لو ... اعرج
ومرت سنه وسنين
والمسكين صارت كل أماله
زواج
وتزاحمت في داخله الأسئلة
من هي اللي بتقبله و ليه
وفي يوم ما مثله ابد
شافها
اجمل من اجمل ما رأي
وضحكت له
مستحيل
ضحكت له
ومشت من أول الحارة
ولحقها
ودخلت في بيت جاره
سأل عنها
وعرف
قنوعة
واسمها سارة
تصير أخت لمرة جاره
أرسل أخته تجس النبض
جات البشاير
راح لأمه وفرحته كبر السما و الأرض
وافقت
أبشرك يمه لقيتها يمه سارة
أخت حصة مرت منصور
أبيها وهي تبيني
وابغي منك الشور
خلاص يا يمه خلاص
باقول لهمومي الوداع
قالت له امه
يا ولدي بس هاذى
أختك من الرضاع
العرض العادي
