السلام هذه قصة (سالفه) مأخوذه من كتاب الونس بالونس للمؤلف سيفالوس الجدالاول:-
رؤوس الاقلام:
1- مصرقع منذ مبطي ... (( صـاحب هذي السالفة الي هو انا ))
2- التجنيــد - المعسكر ... (( الخدمـة العسكرية ))
3- الحـرب ... (( ماأقول الا الله يكفينا شرها ))
4- الجعل ... (( أبـو جعل_الي يشبه الصاروور ويدربي الفضلات ))
5- المصفوق... (( هذا صديقي في العسكرية ... ) وهو يكتب في النت باسم المصفوق ومتواجد في عدة منتديات ومهبل بكل منتديات الـvb تهبيل
يقوول مصرقع منذ مبطي ... (( مرة من المرات وأنا جالس في بطن امي متكي على البنكريااس .... سمعت صوت ... وجلست اتبع هذا الصوت الين طلعت للحيـاة .... وزي كل بني آدم ... درست وتعلمت ... وكانت امنيت حياتي اني اكوون جندي .. _ حدك جندي ياالسروو _ .... وبالواسطات والتعب دخلت للتجنيد - العسكرية - ... وأول مادخلت طبعا ماأدل في ذا المكان شي .... رحت من أولها لغرفة اللواء ... وقلت له سوي ياصديق اثنين شاهي بسرعة ..... وهذي الكلمة كانت هي سبب عنائي في العسكرية ... طبعا مع كثر جياتي وبربرتي لأخوياي الي معي تعرفت على واحد منهم يقال له _ المصفووووق _ لانه مولود في عهد الفراعنــة .... وصرنا عسكر في احد المعسكرات ... المهم في تدريبات التجنيد - العسكرية - الخاصة بمعسكرنا... ركبونا في هيلاكوبتر ونطلونا في قمة جبل وقالوا لنا احفروا حفرة في الجبل عشان تقون انفسكم من البرد _ بفتح الباء والراء _ والله ونجلس نحفر في ذا الجبل الين وصل العرق للركب .... قال المصفووووق ... مصرقع منذ مبطي خذ ذي المغرفة عطني من عرقك شوي بدال مانرووح نشري من ذا النصابين ... قلت اقول الفقه بس .... أنا الي اعرق وانت الي تاخذه ... ومن النذاله شربت كل العرق الي نزل مني ... وانسدحت في الحفرة الي سويتها وتغطيت بحصاة ونمـت ..... مرة ثلاث ساعات وأنا نايم وبعد ثلاث ساعات .... قام المصفووووق بيروح للحمّام ... ويجي يقومني يقول مصرقع منذ مبطي تعال معي انا خايف .... قلت الله واكبر يالذيب انا .... أنا بعد خايف مثلك .... حتى شف صروالي رطب .... قال والحل .... قلت رش صروالك يمكن يكبر .... _ يعني خلك مثلي الوضع فري _ ... والله ويسويها .... ورجعنا ننوم .... يوم قمنا والا صراويلنا يابسه .... ونجلس نتفل عليها الين لانت ولبسناها ..... _ كنا ناشرينها في الليل وفي الليل محد يشوفك لابس والا لأ_ وبعد هذا التعب ..... قالوا اليوم تدريبكم في النفوود ... طبعا بدون مقدمات رحنا للنفود ورجلينا فووق كتوفنا ..... وكل واحد لابس صروال سنه لأن الدعوى حــر ..... يوم وصلنا ويجي كل واحد يدق خيمته .... أنـــا والمصفووووق دقينا خيامنا ونمنا برّا .... _ كل واحد يقرا للثاني قصة الين ينووم _ والله ونمنا .... ومادرينا الا الجعالة _ مفردها الجعل _ أبـو جعل _ الي يشبه الصاروور ويدربي الفضلات _ مادرينا الا وهو مسري عندنا وقاط معي في الفراش ..... وانا الي اقزه بطرف عيني واجيك وافك اصبع رجلي الصغير يتطاق معه .... واجلس انا والمصفووووق نتفرج على المباراة ..... وينتهي الوقت الاصلي والاضافي بالتعادل .... ويفووز اصبعي بضربات الجزاء ... ويرجع مكانه والجعل رميته في جحر ضب ورصيته بحصااة ..... ومرة عطو كل واحد حصااة كبيرة ... وجلسونا في الـبر ..... والعرق يتصبب منا والجوع والعطش ذابحناا ..... ويخلون وراعين يمرون قدامنا برز ولحم وبيربكان تووت _ احلى ياتووت _ يخلونهم يمرون قدامنا عشان يعذبوونا ونصير رجاجيل _ يعني الحين منتب رجال _ وبعد 5 أيام على هالحالة .....قالوا لنا بكرة بتكوون درجة الحرارة 5 درجات تحت الصفر ونبيكم تقوومون تتدربوون في ذا البرد والي مايقووم في الوقت المحدد ترى بنرشه بموويه بارده ... والله وننوم انا والمصفووووق ونسحب على الوقت المحدد ويجيوون ويرشونا بمويه باارده ونجلس انا والمصفووووق في ذا البرد وفتحتات خشومنا متلطسه ورموشي على حوافيها ثلج ... وحالتنا صعبة ... وجتنا امراض مدري وش اسمهاا وودونا المستشفى وعالجونا ... وبعد ماعالجونا رجعنا للمعسكر ... وخذ تعذب فينا ... ومرة قالوا يالله كل واحد ياخذ له رشاش كلاشنكووف ويرش الفلينة الي هنااك ... واجي انا واخذ الرشاش وارش يوم رشيت وهو الي يلعب فيني يارايح يمين يارايح يسار ... بس الحمدلله مافيه اصابات .. مافيه الا ثلاثة توفوا بس .... الله يرحمهم ويحسن اليهم ... وبعد كذا توالت المآسي وقلت لـ المصفووووق انا بقدم استقالتي .... قال وانا معك يامصرقع منذ مبطي ....توني انا والمصفووووق بنقدم استقالاتنا .... ويجي أمـر انه تكون العسكرية اختلاط _ البنات مع العيال _ والله ونهووون انا والمصفووووق .... وكل واحد فينا يهوجس بخويته .... ومرة الايـام .... وتعرفت انا على وحده اسمها بثينه والمصفووووق تعرف على وحده اسمها حصـه .....وماتسمع الا سواليف كل واحد مع خويته ... انا مرة من المرات كنت جالس مع بثينه اطلع القمل من راسها ويشووفني اللواء ويحسبني اعطيها الشفة ... وهو الي يجيك طاير ماتشووف الا غباره ورا ... ويمسكني مع تغرتي ويلخني بكف وهو يقوول لي ياحمار تشفها قدامي ... قلت يعني تبني اشفها في الحمام ... قال لاياشيخ تعال خاوني احسن ... انقلع يالسرسري ولاعاد اشوفك جاي لها مرتـ (( ن)) ثانية والا بتشووف شي ماشفته ... والمصفووووق مرة قامت خويته حصه من النووم تبي تشرف مويه ... قالت المصفووووق تعال معي انا خايفه المهم المصفووووق شقردي قام معها عشان تشرب مويه ... يوم وصلوا للبير جلست هي على جال البير وهو نزل يجيب لها مويه ... في هذي اللحظة كان اللواء يطير الشراب ... يوم شافهم وهو يجيك ماشي كي ام ... ويمسك المصفووووق ويقوول له وين تبي تختلي بها ... والمصفووووق جالس يضحك ... تدرون ليش يضحك !! _ العميد من هول الصدمة نسى يلبس صرواله وجاهم مفصخ _ وهذا الي خلّى اللواء يستقعد لنا ويحقد علينا ويعاقبنا اننا نزحف زي الثعبان 10 كيلو متر ..... ونرقى الهيلاكوبتر ونقفز من ارتفاع 100 مترمربع _ وين ياعمي صار مساحة ذا موب ارتفاع _ طبعا كل يوم انا والمصفووووق مسوين مشاكل .... وكل يوم عقوبات الين صار وزني انا والمصفووووق 35 كيلو بعد ماكان 95 كيلو ..._ هذا الرجيـم الطبيعي مهوب زي رجيم الحريم _ وجلسنا كل مامرينا على واحد قال يالسروو انت واياه .... الين بصراحة زقت معي انا والمصفووووق _ لاتفهمونا غلط _ وقررنا ان كل واحد يتزوج خويته ... انا اتزوج بثينه والمصفووووق يتزوج حصه ... لاكن قبل مانتزوجهم جاهم قرار نقل في سكن يبعد عن سكنا 300 م ... _ اسف قصدي كيلو بس من الحماس اخطأت _ والله وقررت انا والمصفووووق اننا ننحاش لخوياتنا ... وبعـد ماتجهزنا وحملنا اغراضنا في الدبابة _ هلا والله _ وصلنا لسكنهم ... يوم وصلنا الا والله ونلقى الحرب قايمه عندهم ... ونتورط فيها ونجلس ندافع عنهم ... الين ماعاد بقى ولا شبر فينا الا وانجرح _ ياااااااي _ ..... وبعد انتهاء الحرب مادرينا الا وحنا صايرين عند الغازين عليهم أســرى ..... وطبعاً الاسير اكيد بيلعنووون سابع جده ... وهذا الي صاار لنا .... حطونا خدم عندهم ... الي ننتف له آباطه .... والا يبينا نشيل شعر خشمه .... وهلمّى جره .....ومرة من المرات جاهم واحد وهجم عليهم وحطوني انا والمصفووووق في مقدمة الجـيش .... ومادروا الا وحنّا قالبين ضدهم ... ونهاجم عليهم ..... وتطلع شجاعتنا ونلعن خامسهم .... ونرجع مع الي هجموا عليهم .... وصار لنا شأن كبير عندهم ... صرنا ضباط _ قلت الحين صرت وزير انت وذا الخشة _ لاكن بصراحة انا والمصفووووق ماارتحنا عندهــم .... وجيناك محملين عفشنا وراجعين لديرتنا ... نبي نتزووج من خوياتنا ...... لاكن يوم رجعنا للديرة ... وسألنا عن خوياتنا قالوا انهم صاروا رهائن عند جيش ثاني ... حاربهم قبل اسبووع .... ونضطر أنا و المصفووووق اننا نرووح ننقذهم .... لاكن وحنا في دربنا لهم ظيعنا الطريق ... ولاكن الحمد لله لقينا لنا بدوو وجلسنا عندهم .... لاكن ياأننا نشبنا بهم .... كل ماجينا بنرووح لزموا علينا أننا نجلس الين جلسنا عندهم 7 سنووات ..... بعد السبع سنوات هذي .... استكملنا البحث عن خوياتنا .... لاكن للأسف الـى هذا اليــوم وحنّا جالسيـن ندوور عليهم.... وبما أننا اختفينا 7 سنوات عن المعسكر الخاص فينا...أصدروا قرار علي أنا والمصفووووق بالسجـن لمدة 15سـنة..!! ))
---------------------------------------------------
(( وبــعد الـ 15 سنة الي قضينا في السجن .... طلعنا مرة ثانية ندوور على خوياتنا _ الى الحين عندي أمل نلقاهم _ وبالفعل لقيناهم .... لاكن لقيناهم متزوجين وعندهم بزارين ... ضاعت حياتي أنا والمصفووووق ..... وقررنا أننا نعتدي على العميد ونجلده عشان ندخل السجن ونرتاح .... وبالفعل جلدناه ودخلنا السجن وخذناها 20 سنة .... يعني اذا طلعنا تصير أعمارنا 60 سنة كل واحـد يرووح يحفر قبـره الله ينجينا من النـار ......!! )) _ انتهى كلام مصرقع منذ مبطي _ سلاام ...
اسف على الاطاله وأرجو ان حزت على أعجابكم
العرض الشجري
