السلام أول الكلام:
هذي قصة انا كنت اقراها اعجبتني وحبيت اشاركم معاي فيها.
على فكره هذي اول مشاركة لي في هذا المنتدى وانشاء الله تعجبكم.
قصة انقشاع الضباب
الجزء الأول
في مكان ما كان يسكن مجموعة من الشباب يعيشون عيشة تعسف بعيدا عن النساء وذلك بأمر أحد أصحاب هذا المكان الذي يقيمون فيه ننتقل الى ذلك البيت لنرى ماذا يحدث فيه اترككم لقراءة القصة :
_ سلمان سلمان
_ نعم ساري شو تبا؟
_تحيد الجزيرة الي كنا عليها البارحة انا وانته؟
_ هيه . ليش؟
_ روح اهناك وبتلقى اوراق نسيتا .
_ لكن ياساري انت تدري اني ماقدر لانيه
_ جب يالله ورح عن الرعاعه متى بتقادي ريال يالله رح .
_ انزين
ذهب عنه ساري وخرج سلمان الى الصاله فوجد هناك طلال وجابر فقال سلمان
_ اقول جابر؟
_شتريد انا مب فاضي
_زين عاده .. واشاح بنظره الى طلال وقال .. هلا هلا بطلال اقول طلال؟
_ ياسلمان خلنيه ملوعه جبديه القضيه
_ برايكم انا الخراط كنت باوديكم صوب بنات مواعدنهن في الجزيره يوم انروح انا وساري
ترك كل من طلال وجابر مافي يده وقالوا له مع بعض
_ شقلت؟؟
_ ماشي عن اذنكم
* ذهب سلمان ولحق به طلال وجابر
_ سلمان وقف بنروح معاك
_لامب لازم
_ لا افا عليك بنوصلك
* ذهب جابر وطلال مع سلمان في حين سلمان كان يضحك في سره لانه كان خائف من الذهاب لوحده وانطلت عليهم الخطه ..
وصل الجميع الى الجزيرة فاخذ سلمان يبحث عن الأوراق فقال طلال
_ سلمان شو تدور؟
_ ماشي بس أرقب البنات ارقبوا شوي هنيه لين اروح وايي
ذهب سلمان ووجد الأوراق واتاهم وجلس ..
* أما في الفله كان عيد يهم بالدخول فلم يجد أحدا وهو يصرخ
_ يلعنكم وين رحتم ايه حووووووووووو
_ شعندك تصارخ ماتعرف تدخل بهدوء؟
_ شهدوءه ياجمال خليتم فيه اعصاب أول مره اشوف البيت هادي وين المزعجين؟
_ شدراني كنت احيدهم ف الصاله دخلت وطلعت ماحصلتم
* اما على الجزيرة
_ اقول سلمان وين البنات؟ اتاخرن
_ انا قلتلكم انروح خلاص مابين
_ لا بنرقب
_ لكن ياجابر انا خايف بيحل الليل بعد شويه يالله نروح مابين البنات
_ اه يالرعاعه صبر
* حل الليل فاضطر الأصدقاء لاشعال النار لكنهم فجأه سمعوا صريخ نجده في الشاطيء
_ غريج ياجابر غريج
_ يالله نروح ننقذه يالله
_ طلال جابر وين بتروحون وبتخلونيه بروحيه فليل هذا ماتدرون شبيستوي يمكن جن
_ انثبر انته هنيه لين انيي انته مب ريال
_ طلال اقبض السانك
_ وان ماقبضته؟
_ انتوا ايه عن الوقعه هذا وقته تعالوا
* ذهبوا وحين وصلوا اخذ الصوت يبتعد
_ جابر شبسوي؟
_ بنزل انقذ الغريج
_ انت نسيت انك ماتعرف تسبح؟
_ لكن ياطلال . ثم تذكر ان سلمان ماهر ف السباحه والتفت اليه وقال صح سلمان
_ انا لا لا اتروع من الظلمه
_ سلمان
_ انزين
خلع سلمان ملابسه ونزل في البحر وبعد ثلالين دقيقة من الانتظار وسلمان يصارع التيار استطاع ان ينتشل الجثه من البحر ويعود بها الى اصدقائه
_ صدق انك سباح الحين اثبت انك استاذ سباحه ماهر
_ مشكور . هاه عده حي؟
اسرعوا في انقاذ الغريق وتفاجئوا بعد مده انها غريقه الشعر الطويل الذهبي لفت انتباههم
_ بنت بنت
_ طلال اقعد
بعد مده استطاعت ان تفيق لكن كان راسها يؤلمها
_ اخ راسي انا وين ؟
انتي هنيه شو مخلنج ف البحر بروحج وفليل ؟
_ لكن انا ماكنت بروحيه كنت مع امي وابوي هليه وين هليه؟
_ شو اسمج منو هلج عشان نوديج؟
_ مادري ماذكر شي راسي راسي يعورني
_ خلاص خلاص ارتاحي
ذهب سلمان اليهم
_ شو الحل البنت فقدت ذاكرتا شبنسوي؟
* في الفله
_ ساري شفت طلال وجابر وسلمان؟
_ سلمان لين الحين مايا؟
_ مايا من وين؟
_ اندبته الجزيره
_ ابروحه؟
_ هيه بروحه
_ حرام عليك روحه خواف
_ خلاص بنتظر كم ساعه وبنروح اندور عليه
خلال حديثهم اتاهم صوت
_ ايه الحقوا عليه الماء وقف والشامبو ف عيونيه
_ لا خلك كم مره انقولك تاكد من الماي
_ انزين بسرعه
_ جمال رح هات ماي حق سلطان
ذهب جمال وفي الجزيره قال سلمان
_ ياجابر شتقول انته مينون وين انوديها معانا انته ماتعرف منو هناك؟ !
_ اعرف لكن
_ لا لكن ولا شي صدقه سلمان نحن مافينا مشاكل خلها وبتي الشرطه وبتلقاها
_ قلت باخذها وكل واحد يسد ثمه
_ خلاص نحن مالنا خص
* سمعت الفتاه الحوار الذي دار بينهم
_ استاذ .....
_ جابر
_ مافي داعي تتعرض للمشاكل بسببيه خلني
_ قلت باخذج معايه
ذهب الاصدقاء وحمل جابر الفتاه وذهب في هذه الاثناء كان عيد وساري يهمون بالذهاب للتفتيش عن سلمان حين دخل جابر حاملا الفتاه والجميع فتح فاه لما يرا صعد بها الى اعلى ووضعها على السرير ونزل
_ ادري انكم بتحاكموني لكن شاسوي؟
_ شسوي؟ !! لازم اطلعها منيه وحالا لو يدخل في اي لحظه شبنسوي؟
_ مادري
سال ساري سلمان ان كان اتى بالاوراق
_ يبتا شي غير اوراقك الي يابت النا المشاكل
_ جابر طلعها
_ مابطلعها وانا الي بتحمل المسؤولية
* الكل صمت عن جابر والانتظار لما سيحصل بعد وصول من ينتظرون .. وكان الطير على رؤوسهم من الخوف مرت الساعه 12 ليلا وعرفوا انه لن ياتي الليله وفرحوا من اجل صديقهم وغدا يوما اخر ..
في الصباح استيقضت الفتاه مبكرا واسترجعت احداث البارحه ولكنها لاتتذكر شيئا مما مضى فخرجت ونزلت الى اسفل كان هذا اليوم اجازة نهاية الاسبوع وجميع الشباب وجدتهم نائمين في الصاله بعد السهر اخذت تمشي حتى وصلت الى ساري
_ يااستاذ يااستاذ
_ يوه
حينها استيقض ساري نظر للفتاة نظرة كره
_ انتي؟ يعنيه افقد ويهج شتبين؟
_ انته شبلاك؟
* صرخ عليها ساري ان تذهب من امامه فاستيقض الجميع على صوته
_ ساري شعندك عليها ؟
_ يا جابر انا خايف عليك مب مستعدين نخسرك عشان حمروه هذي
_ حمروه اشيه بعد هذي؟
_ اسكتي انتي جب
_ ساري ريم جب
_ ريم؟ ريم اسم حلو احب تسموني به لكن انتم يااستاذ جابر من شو خايفين؟ وليش مادانونيه ؟ وخاصه حسيت النساء؟
_ لاتاخذين ف بالج بعدين باقولج عندنا ناس يكرهونكن ولازم تجنبينه هذا اذا سمح تعيشين اهنيه فهمتي شقصد؟
_ انزين
هنا صرخ سلطان في الجميع
_ اي شباب كل واحد لشغله
_ شغل؟ شوشغله هذا الي تتكلمون عنه يا جابر؟
_ هذا البيت ماحد عايش فيه الا نحن عشان جيه مقسمين العمل حد يغسل وحد يطبخ وحد ايخم
_ وهذاك الوحش الي تتكلمون عنه مايسوي شي؟
_ اسكتي هذا كفايه عليه يصرف علينا ويشتغل
_ يشتغل؟ !! وانتم؟؟
_ نحن طلاب جامعه
_ اه فهمت
_ مادام فهمتي خليني اروح اسوي الريوق قبل لاتحل عليه السلطه
_ انزين ممكن اروح معاك؟
_ تفضلي
ذهبت ريم معه الى المطبخ وكان المطبخ في حال يرثى لها واخذ جابر يضع المقلى ليصنع البيض وحرقه عدة مرات قبل ان يتقنه
_ اقول جابر؟ انته ماوراك مذاكره اليوم؟
_ ايه وراي البلاوي العوده . وراي تصميم فله لاني في الهندسه
_ عيل شو رايك انا اطبخ وانته تروح تذاكر؟
_ صدق ريم؟
_ ليش مب نحن خوان؟
_ اخوان؟ .... هيه ياختيه العزيزه
ذهب جابر واخذت ريم تغني وهي تطبخ فدخل عليها طلال
_ استاذ طلال مو جذيه؟
_ لا مو جذيه شتبين؟
_ انته شسوي؟
_ وانت شلج خص؟
_ لا ماشي كنت مجرد بساعدك
_ تساعدينيه؟
_ هيه ليش لا؟
_ صدق؟ انا اغسل
_ خلاص خل الغسال ورح ذاكر
_ انتي مادري شاقولج انا اسف ع معاملتي لج
خرجت ريم ووجدت ساري يكنس فوضعت يدها ع المكنسه وقالت
_ هذا مب شغل رياييل شغل حريم
_ لا والله؟ قومي منيه
_ انته ليش جذيه؟.
_ وانتي منو تكونين غير دخيله تريدين تدخلين قلوبنا؟
_ حرام عليك انا ......
_ الاحسن تروحين منيه
لم يدعها ساري تكمل مابداه ولكنه تعب وترك المكنسه وعندما عاد وجد كل شي نظيف كما غسلت الملابس وكوتها ورتبت السفره للفطور وكأن البيت لم يكن بيتا الا اليوم ذهبت ريم وطرقت على الجميع ونزلوا وتفاجئوا وكأنهم لم يفطروا منذ ثلاث سنوات جلسوا وجلست هي بجانب جابر
_ جابر يارب الفطور يعجبك
_ يعجبني وبس انتي معجزه نزلها الله علينا ونحن ع ابواب الامتحانات
قال ساري
_ لكن هذي المعجزه يوم بيي بتزول
قال له طلال
_ انته مايي منك خير حتى ف كلامك نسخه من هذاك ... فقالت ريم
_ هذاك هذاك منو هذا؟ ... قال جابر
_ تصدقين نخاف حتى نقول اسمه ... فقال ساري
_ اقول جابر يتني فكره وايد حلوه تطلعك من الورطه هذي وتخلي على قولتك ختك عندك
_ صدق ياساري قلها بسرعه
تعجبت ريم من ان ساري الذي لم يطقها منذ اتت يقول الحل .. قال لها
_ لا اطالعينيه جيه مب عشان خاطرج لكن عشان خاطر صديقيه بس
_ قلها انزين
_ ماشي الا انلبسها ريال وانت تعرف اني قيل حقه ان صديقيه سعد بيي من برا وبستضيفه عنديه وسعد مايا ممكن تقوله انها سعد
_ فكره حلوه
_لا انتوا شتقولون انا البس ريال؟
_ وسعد بعد
اخذ الجميع يضحك وحينها قال جابر
_ لا تنسين اكثر معاملتج بتكون مع ساري لانه صديقك ياسعد
وعاد الجميع يضحك مر اسبوع كانت ريم فيه ربة البيت حيث نظمت كل شي الفطور صباحا ثم التنظيف والعصر الجاي والعصير والمغرب اكله من الاكلات وهكذا كان الجميع مرتاح على هذا الوضع الذي اراحهم حتى ان ريم مرتاحه بالرغم من معارضة البعض لها وذات يوم دخل طلال مسرع
_ ريم ريم وين ياجابر؟
_ كالعاده بتلقاها في الحديقه عند الورود الي زرعته لا تطلب منها شي نحن متعبينها
_ شطلب الحكومه وصلت
_ شتقول؟ ف ذمتك؟؟
ركض جابر واخذ يصرخ عليها حتى انتبهت وادخلها من الباب الخلفي الى غرفة عيد حيث انه الوحيد الذي يناسب طولها فالبسها من ملابسه كما وضع لها شارب كان قد شراه لها وهكذا كانت شاب فعلا لولا بعض الجمال الذي لايختبيء
_ انا احس اني خايفه
_ لاتخاف ياسعد كلنا جنبك
ضحكوا وحين نزلوا
_ هاه وين راح؟ ........... رد جمال
_ دخل وقال وقت الغدا ندق عليه عشان الكل بيكون موجود وبيسلم عليه
_ اوه يامعوذ ريحتنا
قامت ريم باعداد السفره كما يجب وزينتها بالورود وكانت بشوق لتراه ووقفت بين جابر وساري حين قال سلطان
_ عيد رح قل حق سيف الغدا
_ ياخي رح انته
_ يالخبله اهو اخوك يالله رح
فكرت ريم اذا اسمه سيف واخو عيد كان الجميع يتكلم ويضحك وحين سمعوا خطوات كأن على راسهم الطير الجموا جميعا حتى نزل ووقف على راس الطاوله سلم على الجميع كما ان ريم فعلت مثلهم واحست ان قلبها سيقع حين مسك يدها ياله من رجل قوي واثق من نفسه من يكون؟؟
_ اوه يعني انت صديق ساري؟
_ هيه انا
_ اهلا وسهلا بك بينا
_ اهلا فيك استاذ سيف
_ ماحب الرسميات هنيه ف بيتيه
قالت ريم ف نفسها ياله من متعجرف شو يظن نفسه؟ واستغربت انها ردت عليه بدون خوف
_ اظاهر ان ضيفنا فيه هموم تخليه يسرح حتى والناس تكلمه .. حينها قرص جابر ريم واستفاقت من تفكيرها
_ هاه شقلت؟
_ شقلت قلت اتفضل الغدا بيبرد
وحين جلس سيف للغدا استغرب من وضع السفره هكذا ومن الترتيب
_ انتوا اكيد استوا شي عندكم خلال الاسبوع الي غبته عنكم الحديقه والورود والبيت وغرفتيه والحين السفره والمطبخ .... قال ساري
_ شو يعني بنقعد دوم وسخين لازم نتغير شوي
_ تتغيرون!! انزين تغدوا
وحين اكلوا وجدوا ان الاكل طيب ومختلف
_ اقول منو مسوي الغدا؟
_انا سيف ليش فيه شي؟
_ لا سلطان بس بدا اكلك يحلو بنخليك دوم تطبخ
صمت الجميع والكل ينظر الى ريم وانتهوا والكل ذهب الى غرفته لينام الظهر
في العصر استيقضت ريم او لنقل انها لم تنم فنزلت تعمل الشاي ونسي الجميع ان يقول لها ان سيف ينزل قبلهم ويعد الشاي فحين دخلت المطبخ وجدت سيف وتفاجئت
_ اوه استاذ سعد تفضل
_ انا كنت اتحسب الجميع نايم عشان جيه نزلت اسوي جاي
_ لا تفضل الحين باصبلك جاي
_ لا شكرا انا طالع فوق
وقبل ان تذهب مسكها سيف من يدها واحست بالدنيا تدور واخذتها رعشه فسحبت يدها
_ اسمع كلامي واقعد اشرب الجاي وفرصه نتكلم مع بعض
جلست ريم واخذت الكاس فجلس سيف بجانبها
_ اقول سعد شو تشتغل؟
_ انا؟ هيه اشتغل مهندس ديكور
_ ومن وين ياي؟
_ ياي هيه ياي من سوريا
_ اوه شي مثير
_ انا عن اذنك باروح فوق
*7
العرض العادي
