بسم الله الرحمن الرحيم
أنا مالي غرض (ف)الناس أنا مع وقتي مسافر
أنا من جملة العالم ترى انسان وحداني
أنا جارت بي الدنيا ولته بي زمن غادر
أنا اللي ضاعت أحلامه على رجوى زمن فاني
أنا المجروح.أنا الشاقي .ولاني (ف) الشعر شاعر
ولكني أحب الشعر واصوغه عبر وجداني
أعيش الواقع الحاضر واحب الماضي العابر
ومبدأ أتبعه واضح. ترى ما فالعمر ثاني
أحب الجد من ساسه ولا جامل لجل خاطر
واساعد من يناديني على شدًات لمحاني
أدري ربعة الوافي بما يوحي لي القادر
وحطة تاج (ع)راسي ولوكلفني اثماني
آخذ كلمة كبار السن وعبره من فم شاطر
واخذ حكمة من الايام إذا وقتي تحداني
ولكن وقتنا لول غدا في موقفه حاير
تبدل به زمانٍ فيه صار الكل طرباني
نفوس الناس تنسى لي مضى وتفكر(ف)باكر
وكل ينظر لنفسه ويحسب غيرة الداني
وهذا اليوم لي ينطق حقيقه يصبح الخاسر
تشوف الناس تنظر له بعين الحقد حقراني
هناك انواع من ناس اذا عزيتها تامر
ولاتنهي عن الزلات لو شافتك خسراني
وبعض اصناف من ناس لها مغزا فكر عامر
تشوفه يبني اجيال وخيره يعم لوطاني
انا مالي غرض(ف) الناس انا مع وقتي مسافر
ولكني بغيت ارسم لفكر الناس عنواني |
العرض الشجري
