السلام عليكم ورحمه الله وبركاته
زورا اهل الود وشعاره اكتب لكم موقف صار لى في زمان فات اوانه ولازم اكتبه بقلمي لانه لا ينسى...
في العشق لي قصة مع الغرو الأكحل
.............. ياليت عشّاق الهوى يعذرونه
كانت بدايتها من العام الأول
.............. في روضة الخلان صدفة لقونه
يوم المحن عيني عيون المكحل
.............. هوجس بها قلبي وثارت شجونه
أقبلت أنا صوبه وهوْ صوبي أقبل
.............. ضحكت له وتبسمت لي عيونه
وقلت إذا ممكن ، وقالت تفضل
.............. لكن لساني تلعثمن في لحونه
وجيت أبسألها وعقلي ( تمخول )
.............. وصار عقلي بين جيمٍ ونونه
قالت لي يابن الناس عن أيش تسأل
.............. عن ديرتي ولاّ هلّي وش تكونه
أنا العريبة بنت الأجواد والكل
.............. يوم الشدائد فزعةٍ ينتخونه
لا جيت اناظرها بعيني اتخجّل
.............. ولا رحت اغازلها تحمر لي لونه
بنت العرب بين الجميلات أجمل
.............. هامه وقامه والحياء يكتسونه
أنا أشهد ان الله عطاها وكمّـل
.............. سبحان منهو مبدعٍ في فنونه
سألتها عن ( ورد ) وشلون يذبل؟!
..............قالت لي شوف الناس ليه يقطفونه؟!
دار الحكي والناس فينا أتـّـامّل
.............. حتى نسينا إنهم ينظرونه
قالت لي اسمحلي ترى الحين ابرحل
.............. أخاف لحدٍ من هلّي يلمحونه
أرجوك يا محمد عليا تمهّل
.............. والله قلبي فيك أعلن جنونه
ودّعتها والحب فيني اتسلّل
.............. عشقتها والقلب لا تسألونه
وسلامتكم
اخــ سكون^الخاطر ــوكم |
[SOUND]http://www.movn.net/moseqa_alsh3r/moseqa1.ram[/SOUND]
العرض العادي
