جت تستدير ... (**رفيع الشان**)

[**رفيع الشان**]

مساء الخير جميعا..
بصراحه ترددت كثيرا في وضع خاطرتي هنا..
وذلك لوجود خواطر جميله جدا..
فخشيت من ان لاتنال كتابتي هذه أعجابكم..
ولكن كما يقال الخوف من الفشل هي بداية التحدي..
اتمنى ان تصل هذه الاحرف ولو قليل من أعجابكم..


جت تستدير ..
في ايدها نظراتها ..
وفي عينها خطوات اخر دمعها ..
وناظرت صمت الطريق ..
واستوحشت ذاك المكان ..
وتذكرت ..
أول مواسم حبها ..
وتذكرت ..
اخر مواني قلبها ..
يا عشقها اللي ما بدى
يا صوتها اللي منتهى
يا جرحها ..
يا صمتها ..
يا دمعها ..
يا حزنها ..
يا واقفه ..
وسط الطريق ..
تسأل بقايا خوفها ..
وين الرحيل ..
واللي بغيته ما لفى ..
واللي انتظرته من عمر ..
اظنه ما يوم أجى ..
تسأل سكون الذكريات ..
وتمتطي صهوة ألم ..
وتحظن الاحلام ذات .
كن الاماني حزنها ..
وكن الجروح اللي عليها.. دربها ..
تذكرت ..
ان الطريق بعدي غدى ..
ما يوسع أجمل دمعتين ..
يتعانقون ..
يتعاتبون في همستين ..
يتسامحون ..
يتواعدون ..
في ضحكتين ..
تذكرت ..
طفل بكى من قبل عام
طفل رحل ..
بين الزحام ..
طفل تحدى لجلها ..
اخر مواويل الظلام ..
تذكرت ..
حلم وزمن ..
ميلادهم ..
ما يختلف ..
لكنهم اعداء
من بادي العمر ..
هذا الزمن ..
عنه الم
قالوا كثير ..
قالوا غدر بقلوبنا ..
وانه سبب في دمعنا ..
وانه يلملم حزننا ..
وانه يغير دربنا ..
قالوا كثير ..
ما يدروا وش هو ها لسبب ..
حنا السبب ..
تغيرت ارواحنا ..
وتبدلت احلامنا ..
وصرنا على مركب وحيد ..
متحاسدين ..
ومتهاجرين ..
وزاد الغضب ..
في تالي ايام الامل ..
وزاد الغضب باللي تحت ..
قموا بيرضوا ذاتهم ..
قاموا معاهم غيضهم ..
واخر الليل الطويل ..
وبأسفل المركب غدر ..
صنعوا ثقب ..
قالوا المكان هو ملكنا ..
حنا تحت ..
نصنع ثقب ..
نحرق حطب ..
هذا المكان هو ملكنا ..
نفعل عليه ما نشتهي ..
وغرقوا جميع ..
وماتوا جميع ..
وكان السبب ..
هو اننا ..
صرنا نلوم ابلا ثمن ..
وصرنا نعاتب ها لزمن ..
صرنا نلملم وجهنا ..
الضايع على صدر السنين ..
اللي يظللها الكفن ..
تذكرت ..
في لحظة الذكرى امل ..
في اخر احساس الطريق ..
واقف بعيد ..
يحسب ثواني هالرحيل ..
يسأل متى ..
يا ها لقسى عني تروح ..
متصورتني ما دريت ..
ان الخيانة طبعها ..
ما تصورتني ما دريت ..
اني بقايا ..
تنتهي في حلمها .
متى تروح ..
وارتاح من غيم الجروح ..
وقول يا نفس الألم ..
كافي يعانقني الوهم ..
ما عاد يخطي هالزمن ..
فوق الخيال ..
ولا تترجم خطوتي ..
خطوة قدم ..
وتنتهي رحلة نظر ..
وسط الطريق ..
ما ابصرت ..
غير القدر ..
اللي ارتسم

تقبلو تحياتي

**رفيع الشان**