تعبت أعطي.،.،.،.،.،.،.،.،

[قلب الغالي]

هذه قصيده
للشاعر المبدع
حامد زيد
أعجبتني
فأحببت أن أنقها لكم
وأتمنى
من الله العلي القدي
أن تحوز على رضاكم
واستحسانكم

أنا ربتني الدنيا علـى جـزل العطـا والجـود=ونفسي للوفا والطيـب وفعـل الخيـر جزامـه
وأعارض منهج الهابط وأوافق للصعود صعـود=وأسيّـر نفسـي بعقلـي مـدام النفـس هدامـه
ولا تثّر بي البسمة ولا كحـل العيـون السـود=ولا يقوى على قلبي صغيـر الحسـد وأجسامـه
أردّ الجود بأمثالـه وأقابـل بالجحـود جحـود=وترى لا خير في رجلٍ يوطّـي للـردى هامـه
وعندي مع أهل العِليا مواثيـق وثـلاث عهـود=أوفـي لـه مطاليبـه وأودّه وأرفـع أعـلامـه
أعايش مركب الدنيا على متـن القـدر مولـود=أبعرف هو صحيح إنّ القـدر بالنـاس دوّامـه ؟
ومن وين الزمن مقبل وإلى وين الليـال تقـود=ومن في هالزمن يقـدر يوجّـه خطـوة أقدامـه
ومن له بالزمن غاية ومن عنده هـدف منشـود=ومن منّـا قـدر يعـرف خفايـا مقبـل أيامـه ؟
عرفت إنّ الشقا باقي ، عرفت إنّ الحسد موجود=عرفت إنّ القدر يفرض علينـا بأسـوأ أحكامـه
لقينا العرب حاسـد وشفنـا بالعـرب محسـود=وبه ناسٍ لنا ضامـت ، وبـه بالنـاس منظامـه
وينقص بعضنا خـوّه وينقصنـا وفـاء وعـود=مـدام الحسـد باقـي وبعـض النـاس نمامـه
ولا ترجى بها الدنيا من ربوعك يجيـك اسنـود=ولا تشره علـى رجـلٍ عيونـه خانـت أقدامـه
وقابل خطوة بخطوة وجازي بالصـدود صـدود=تناسى غلطة الصاحب عليك بلحظـة اخصامـه
ولا تخطي ترى لصبر الحليم اليا سلاك حـدود=تروّى واعرف بضـرب الحديـد تفكـك لحامـه
تجنب كسرة الخاطر ولو حبل الزعـل مشـدود=تراك بكسرة الخاطـر حكمـت القلـب بعدامـه
ولا تزعل على رجلٍ بذل لك ولرضاك جهـود=ولا تامن من الحاسـد رضـاه ورفعـة ابهامـه
نبي نصبر على الدنيا قلـوبٍ بالحيـاة زهـود=مدام إنّ البخـت عيّـت توّفـق رمعـة سهامـه
وأنا ما قلتها راجي ولا أطلب بعدهـا مـردود=ولكـن الفتـى ودّه يحقـق جمـلـة أحـلامـه
وبمشي لآخر الدنيا ولـو كـلّ الأنـام اقعـود=وعن وجه الزمن بكشف حقيقـه وأرفـع الثامـه
صحيح إني صغير السن ولكـن قدهـا وقـدود=وأنا عندي مـع الدنيـا مواقـف ترفـع الهامـه
طموحي يملي العالـم ولابـه للطمـوح قيـود=مدام إن الأمل طبعي ( عرين وصرت ضرغامه )
خلقنا الله من ترابه ولأحضـان التـراب نعـود=تحت رمل الثرى نبقـى تغطـي جسمنـا خامـه
سلفنا ما لحقناهم تحـت قـاع التـراب رقـود=ولا يبقي من الميـت سـوى ذكـراه وعظامـه
ولو طال العمر فاني وترى عمر الفتى محـدود=وكـلٍ يطلـب المولـى يبيحـه يحسـن ختامـه
وأنا بلّغـت بلسانـي وربـي والأنـام شهـود =وصحف البيّنة جفّـت وعنهـا رفعـت أقلامـه

منقووول