آسف انا في جيتي لـك تسرعـت
ظنيت الاقـي فيـك شـيٍ فقدتـة
كنت احسبك مجروح مثلي تولعـت
جربت فرقى شخص قلبـك وهبتـة
كنت احسبك من مر جرحك تجرعت
حبيت فيك احساس طفـلٍ لمحتـة
لوقلت آآآه بوسط روحي توجعـت
ولو شفت دمعاتك شعوري سكبتـة
ولو تطلب اعيوني ابد ما تمنعـت
واعطيك قلبي لو بعد مـا طلبتـة
وصلت بك..... اعلى مكان وتربعت
وفي قلب غيري ياالغضي ماوصلتة
واصبر على صدك واشوفك تدلعـت
واعطيك ود ومـا اظنـك حسبتـة
اذهلتني بطباعك اللـي ...تطبعـت
حتى قصيدي فيك ابد مـا فهمتـة
لو كان غاياتك حروفي فانا بعـت
وافرح بجرح الشاعر الي جرحتـة
وأرجوك من صدك تراني تشبعـت
خلك مع اللي عاجبـك او عجبتـة
يكفي قهر في جيتي لك تواضعـت
تركت غيرك لجـل عينـك وبعتـة
ياليتني عـن حـب مثلك..ترفعـت
ياليت قلبي قبـل اعرفـك دفنتـة
لكن اب ابعد دامني بـك توهقـت
الله يرحـم حبنـا اللـي ذبحـتـة
انا شريت الود والحين انـا بعـت
وانا عطيتك قلبـي اللـي قهرتـة
في يوم جيتك اطلبـك ود واقنعـت
نفسي بانك شخص عادي عرفتـة
كمل حياتك مثل مـا انـا توقعـت
تبقى اسير الماضي الـي فرضتـة
ولا يحزنك اني جبـان وتراجعـت
حولك بدالي ألف شخـصٍ عجبتـة
اما انا لا يمكن اخضـع ولا طعـت
يحرم علي اعطيـك قلـبٍ خذلتـة
باريّحك من شوفتي يـوم قاطعـت
اسلوبك اللي بـة تجامـل كرهتـة
غلطان يا المقفي انا مـا تتبعـت
غيري يتابع خطوتـي مـا تبعتـة
ما ينحني راسي لو انـي تقطعـت
وما هو بنا من لا رميتـة لقطتـة
وان كان غرك حكي عذالي وطعـت
الله يعلـم كيـف قلبـي سكنـتـة
اللي ملا قلبـك علـي وتسمعـت
خله يعوض شخص مثلي خسرتـة
انـا بمـا فيـة الكفايـة تولعـت
واللي بقى من قلب فينـي حرقتـة
وان شفتني صدفة بعينك تطلعـت
ذكرتني با نسـان غالـي فقدتـة
باول لقا سلمتة احساسي وضعـت
غلطت حياتي يـوم قلبـي سلبتـة
واستسمحك ف البعد كاني تراجعت
ما عاد ابلقـى فيـك شـي فقدتـه
طبعك مثل غيرك وطبعي كما كنـت
احب شخـص ولا تركتة...تركتـة
بــــدر بــــن ســعــد
العرض الشجري
