_.+:*^:^*:+. وحشتيني ياعمري .+:*^:^*:+._

[][ فارس الليل][]

وحشتيني تبين الصدق ياعمري وحشتيني وذاب الدمع في عيني كويتيني رسمتي .. ف غيبتك لوحه بلا ريشه ... بلا ألوان تركتيها بلا برواز وقلتي ..اختر العنوان * * * * تبين الصدق يا عمري وحشتيني تركتيني ورى أطيافك أنا مسافر تركتيني أواجه حظي السافر تركتيني ما بين الحلم والواقع أنا مهاجر تركتيني أداري جرحي الفاجر تركتيني وشاب الصبر ف أطراف المحاجر تركتيني أداوي جرح طعنات الخناجر تركتيني وصار الدمع لاقلامي محابر تركتيني احاول أخفي اللهفه ولاني قادر اكابر * * * * تبين الصدق يا عمري وحشتيني وكأن الكون بغيابك مدينه هجرها الناس في وقت الهزيمه سكنها الخوف واشباح رهيبه ظلااااااااااااااااام .... وصوت لابواب قديمه رياح ... وباقي اثار دفينه مدينه ... مرعبه تشبه سفينه غمرها الموج نساها الوقت وصارت في البحر مثل الرهينه * * * * تبين الصدق يا عمري وحشتيني رحلتي ... وانكسر في غيبتك ... مليون خاطر رحلتي ... وانتحر من لهفته ... مليون صابر رحلتي ... وابتسم من فعلتك ... مليون ساخر رحلتي ... وانتقم من دنيته ... مليون عاثر ((( تبين الصدق يا عمري.. ذبحتيني )))

ـ #x