السلام عليكم ورحمة الله وبركاته
كل عام وانتم بخير
أخواني الأعزاء أشارك معكم في هذه القصيده واتمنى أن تنال أعجابكم وهذه أول مشاركه لي وهي من نظم الشاعر / عبدالله بن باتل القلادي
وتقبلوا تحياتي
أخوكم
سلطــ الوفاء ــان[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
من غير ليه وغير فصه وتحديد"=" غاب القمر وأبطى علي بمغيبه
والنفس من ذكراه فيها تناهيد"="تمسي من أسبابه وتصبح كئيبه
ودونه وعوره بالدروب وحواسيد"="صعبٍٍ وصعبٍ صعب صعبٍ صعيبه
مثل السراب اللي تطارد مع البيد"="كيف ألتقي به كيف كيف ألتقي به
وعيا عنه قلب الغرابيل لا يحيد"="حاولت أسيبه مير عيا يسيبه
تنكيد بعض أحيان وأحيان تعقيد"="مدري نصيبٍ في وألا نصيبه
وعليه ليلي كل ليله سراميد"="وعيت عيوني نومها تهتني به
وحبه يزيد يزيد ويزيد ويزيد"="بالدم مثل السم يسري دبيبه
وعني بعيد بعيد وبعيد وبعيد"="حتى حلوم الليل عيت تجيبه
واحد وحيد ولا معه خلق توحيد"="عدو عينك بالهوى يبتلي به
مجردٍ عن كل عذروب تجريد"="فيه الوصايف والمحاسن عجيبه
لا تقول وصف كثرة الحكي ما تفيد"="رهيب كان الناس فيها رهيبه
الرمش والطخمه والأوجان والجيد"="والصدر والأرداف وأشياء غريبه
ما مثلهن شافت عيوني مع الغيد"="ولون الشفايف مثل جمر اللهيبه
في عينه اليمنى رجال وبواريد"="وفي عينه اليسرى مدافع كتيبه
وسهمه يصيد ويصيد ويصيد"=" سهمه عطيب ولا يداوى صويبه
[/poet]
العرض العادي
