بسم الله الرحمن الرحيم
والسلام عليكم ورحمته وبركاته
((( نصيحــه ))) [poet font="Simplified Arabic,5,orange,bold,normal" bkcolor="transparent" bkimage="backgrounds/22.gif" border="groove,10,orange" type=2 line=200% align=center use=ex length=0 char="" num="0,black" filter=""]
بديت بأسم اللي له الخلق يدعون "=" ربٍ تعلى فوق سبع السموات
اللي فرض للناس ديــن ٍ وقانون "="وأرسل لنا المحبوب عليه الصلاوات
أغلى سلام أهديه وألفين مليون"="للي في بالي ... وأحلى تحيات
أوصيك أنا ياخوك والوقت مفتون"="وأعرف ترى للوقت عثره وقومات
دنيا تخلي صاحي العقل مجنون "=" يصبح على حال ويمسي بحالات
ويوم ٍ تخلي ضاحك السن محزون"="ويوم تكون أحزان عمرك مسـرات
خلك مع اللي بالمساجد يصلون "="وترجي رضـا الرحمان بالصوم ساعات
وأرفق على المسكين ؟ واللـــه بالعون "="وأعطف على اليتمان واللي بحاجات
وأخفض جناح الذل وأمك لها ديون "="ماتنقضي لو هي على سبع حجّات
وخلك كريم أخلاق ولسان مصــيون "="وأبعد عن الكذاب وأهل النفاقات
وجارك على عهد الوفا حق مسنون"="ســنة عظيم الخلق رفيع المقامات
وأصحب هلا الطاعات بالحق يمشون "="بالخير لك زودٍ ولامن خسارات
أهل (المراجل)طبعهم مايضرون"="ولا الردّي ياخوك مابه حسافات
وجنّـب عن اللي للخطيــّات يمشون "="كل الذنوب صغارها والكبيرات
أهل المعاصي فعلهم دوم ملعون"="سود الوجيه اللي عليهم علامات
وأبعد عن الدخان شيشه وغليون"="يوم الحساب يكون يوم العذابات
وعن شارب المسكر واللي يغنون"="تشوم نفس الحر ويرقى الطويلات
أفــهم وصاتي يابعد كل مظنون"="قال النبي أعمال ديني بنيــّات
وخلك عزيز النفس وأبليس ملعون "="رزقك على الجبّار جزل العطيات
وأن كان ماجتكم وصاتي بمضمون"="مانختلف في ودنا والمعزّات
وأول كلامي زين والحين موزون "="صلو على المختار عليه السلامات
[/poet]
المملكه العربيه السعوديه
ســكاكا الجوف
الشاعر
محمد بن معيذف العقيقعي الرويلي
صـادق الكلمه |
العرض العادي
