وحده بوحده كان عندك عداله..تبطلي غيبه وأبطل زقاير!!!!!!

[العنوووود]

رجعت لكم ومعي قصيده راح تعجبكم وأناذوقي حلو(بشهادتكم طبعا).........*3

ياغايبه وان كان فيها جماله.................تجملي ياأم الحلا والظفاير

بالله شوفي صاحبك كيف حاله................شوفيه في غيبتك وشلون صاير

صارت حياته ضيق خلق وبطاله...............هم وسهر واوراق شعر وزقاير

يعني حبييك صار حالته حاله.................ماباقي الا انه يدن العبــــــــــــــاير

الله لامنه ذكر مامضى له....................قبل الدواير ماتجر الدواير

يوم الطفوله والشقا والجهاله.................يوم الكباير في عيونه صغاير

ايام كان معانده راس ماله....................ويسوق لهبال الشقاوه بشاير

ياما امتلى بالحب والطيش باله................وياما امتلت من شخبطته العواير

يكتب عليها:(عاااااااااشقك للثماله)............ويخط توقيعه:(جريح الضماير)

ياما اشتكاه ابوك في بيت خاله................وياما تحصل من هواك العزاير

مره حلف انه يبطل هباااااااااااله..............وقبل يكمل,,,فك اخوه الستاير

ثم طالع الشباك.. لينك قباله!!!!................وفـ اقل من لمح البصر جاك طاير

على صغر سنه مميل عقاله..................كاشخ وناسي لا يصك الزراير!!!!!

لا شافك يتمتم لحاله بحاله..................لعيون هالشوفه تهون الخساير

ولا شاف زول أبوك حذف نعاله.............الحب جاير ..... لكن العود جاير

طفل يتيم ورغم الأحزان داله.................مايدري ان حظه مع الوقت باير

كنتي طموحه كنتي اغلى حلاله...............كنتي وصرتي,,بس ياأم الظفاير

طفل زرع من ضحكاتك في خياله.............لين أثمرت شعر هزاله حراير

لا تتركينه في غيابك لحاله....................بالله شوفي كيف هالطفل صاير

ووحده بوحده كان عندك عداله...................تبطلي غيبه وأبطل (زقاير)

شعر: فهد المساعد