قالت بصارحك في لحظة ذهول
وأحسن بآخر ما تقووله بونه
قلت ابتدي واللي يجي منك مقبول
تفضلي قولي تفاصيل عنه
قالت ابي قلب البشر ماله ميول
قلت البشر يمشي برايه وظنه
قالت حب النفس لو صار مجهول
مشاعري غصبٍ علي يكتمنه
ودي على وصله وحبه على طول
لاكن مقادير الزمن بّعدنه
اليوم بالي من سبايبه مشغول
في ذمتي وصله على القلب جنه
قلت الغلا مثل الحيا كله سيول
حسب القلوب وحسب ما يشتهنه
والوصل بالقسمه وله عّدة حلول
همه على الكتمان واٍلا بسنه
وقالت اذا ما الله قسم قلت ياحول
يبقا لهن حلٍ وهن ما يبنه
يبقا الفراق اللي على صاحبه هول
والبعد لو ما كلهن يرفضنه
قالت بدى في خاطري شيءٍ يجوول
واخاف تزعل يا ابن الاجواد منه
قلت الكلام ان صار لين ومعسول
لا يجرح العاشق ولا فيه منّه
قالت نويته واسكتت بآخر القول
قلت الفراق وقالت الظاهر انّه
العرض الشجري
