[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
بسم الله الرحمن الرحيم
السلام عليكم ورحمة الله وبركاته
اهلاهلابالحبيب الترف مزيوني=اهلاهلا بالهوى ساسه ودستوره
هيضت قلبي ودلك هلهل مزوني=والروح للروح منهيه وماموره
انت الشعر وانت عودي وانت قانوني=نغمات حرفي على نوتتك مسطوره
قالوا شبيهه نشوف وقلت دلوني=كل البني ماتجي قطعه من ظفوره
ياهل الهوى والوصل مروه تكفوني=قولواله اني قضيت وباقين صوره
وقولوله ان الجسم شاحب وماروني=لولا النفس قلتواان النفس مقبوره
شيروا عليه يتكرم في يدالعوني=وشلون ابسلاونفسي فيه مجبوره
عقب الحمار البياض اسود غدا لوني=روحي على قل شوفه حيل مخطوره
اسير في سكة القرطاس طبلوني=والموجه الثانيه بالكف مفروره
حدالله اللي على القيفان حدوني=وادري بنفسي على ماريد دكتوره
انشدك عن جايعن ياكل بماعوني=مايفرق المزه الهندي من الفوره
مافيه رخصه بلا تركيز وعيوني=وشلون تدري عن اليوتيرن والدوره
انشدك عن رجل له كفين وسنوني=يمشي على السن والكفين مسعوره
وياويش عذرابلانهدين وقروني=تموت لو تنتهك في الحال مدموره
وياويش رجل بعالي الراس مخزوني=ضيع تفاسير نبع الشيخ والسوره
وياويش بنت تهيض الجاش وشجوني=في كفها للبشرحلقه وباكوره
ورجلن قضى العمرمعسورن ومديوني=شيب وراعي البضاعه ينتظر دوره
وطفلن صغيرن ينوح يقول شيلوني=امه توفت وعنده شلقة بزوره
ابغي جواب الغطو محكم وموزوني=وازكى التحيات مثل الورد ممطوره
وسلامتكم
الغبه
[/poet]
العرض الشجري
