حدّي نظـر ..
ما بغيت أكثر .. حدّي نظـر
الله أمـر ..
لعيونك أسهر .. الله أمـر
واجهت عينـي مــلاك
الـحـسن في حيــره
وانعقـد حرفـي وخـان
الوصـف تعبيـره
قسمتـي بك ياقمر
حدّي نظــر ..
ردّ لي عمـري
منّـك بنظـرة
دام أنا حي ..
غايتـي شـوفك
بس لو مرة
ما بقى شي ..
لي بالعمر ليلٍ أخاويه
وآنسى بك الذكـرى
آه يا صبـري
ما لي لـقدره
للعـطـش مي ..
شيء في صدري
وإنكـشـف ستـره
كـشفـة الظـي ..
لي بالعمر ليلٍ أخاويه
وآنسى بك الذكـرى
>>>>>>>>>>>>>>>>>>>>>>>>>>
الوقت ما له يا ريش العيـن مـنّــه..... الـحـظ جـابك واللــه اللي رفـعنـي
أشوف هالدنيا لي اليـــوم جـنّــه..... كل الغـلا شفتـه بعـينـك وضعنـي
حسّـاد حبـك هاب ثم خــاب ظــنّـــه..... حتى الشديد من القـوي ما منعني
هنّ الخفـوق بصادق الشـوق هـنّــه..... اللي مـعـك ما مـرةٍ قـد قـطعنـي
وإن قـلت قلبي زاد بالعشـق فـنّـــه..... أهـيــم صـدق هيـام قلبي دفعنـي
وإليا خـفـق قلبي مع الخـفـق ونّــه..... إن سـاقـنـي وإلا تـرى مـا ردعـنـي
>>>>>>>>>>>>>>>>>>>>>>>>>>>>>>>>>>>>>>>>>
كان الخطا .. كله خطاي
أنا أعترف لك .. وأطلب رضاك
قلبك كبير .. كبير
وأنا خطاي كبير
حتى قرارك ضدي
أثّر علي كثير
نطلب رضاكم
ذا من غلاكم
قلبك كبير .. كبير
وأنا خطاي كبير
حتى قرارك ضدي
أثّر علي كثير
لولا هواكم
ما كنا معاكم
>>>>>>>>>>>>>>>>>>>>>>>>>>>>>>>>>
إلــى وردنّ الـهــمــوم الثّـقــيـلات.....أصدّر عـلى حماك وأنصاك جالي
وإلــى جـردنّ الأقــراد الـصـقـــيـلات......أنـا بـأول الـقــوم ولاني بـتــالي
أنا لك إلـى صـار للـوقـــت مـيـــلات ......بأرخـص لك الروح وما كـان غالي
وأعـدّي عـلى رؤوس كـل الـطــويـلات......وبشـهــد لـك الله يا كـل مـالــي
عـلى بابـكــم لو قدحــنا الـفـتـيـلات...... دسـنا عـلى المـر ويـصيـر حــالي
من الـهـم إلى المـوت عـندي قـليـلات...... ومـن بينهـم كـل مطعـون ذالي
على ما إنكتب لي ولك ماش حيـلات...... مـع الصبـر كـل الشـدايـد زوالي
>>>>>>>>>>>>>>>>>>>>>>>>>>>>>>>>>>>
عـطنـي وعدك اليوم وخل المقابيـل ..... أبيـك يا عـمـري تـشرّفني شـويه
أسهر معاك الليـل يا نـجمة الليـل ...... وجـيّـتـك تـمطــر سمـايا عـليّــه
تشوف منّي الرضا وتشـوف تدليـل ...... وإذا أقبـلت الـروح خـذها هـديـة
ما عـاد أشوف الدرب كـلّه تـساهيل ...... دفـاي فـي بردي وفـي القيظ فيّه
أحب فيـك الحب وإن قيـل ما قيـل ..... ســحـابـةٍ مـرّت عـليــنا سـويّــه
فـداك أهل الجيـل الأول وهالـجـيـل ..... تـحيـةٍ عـظمى عـن ألـفٍ تـحـيــة
>>>>>>>>>>>>>>>>>>>>>>>>>>>>>>>>>>>>>
ليلة ..
غريبة كانت الليلة ..
سهرتك ليل تعليلة ..
حلمي حلم طفل سعيد ..
حلم بعيد ..
كانت ليلتي بخيلة ..
خذني جسد مع روح ..
أذوب فغرامك حيل ..
ليلة ثمنها روح ..
خذ قلبي المفتحوح ..
عشتك حبيبي ليل ..
عشتك حياتي ليل ..
يا سري المفضوح ..
يا أطهر من الماء ..
وأنقى من الغيمة ..
لحبك أضمى ..
يا صبح لا تقبل ..
عط الليل من وقتك ..
وأمهل سهارى الليل ..
عمرنا ليلة ..
وحبنا ليلة ..
وكلها ليلة ..
>>>>>>>>>>>>>>>>>>>>>>>>>>>>>>>>>>>>>>
أيجود الزمن بلقياك ..... وألقاك تناصفني وجدي
وعيوني بشوقٍ ترعاك ..... في أحلام اليقظة من سهد
فهيام العقل هيام ..... وهيام القلب سقم
فغيابك زاد من زهد
فأحمر من وردٍ بشفاك ...... برحيقٍ يقطر من وردي
ورياض الحسن محيّاك ...... به اجتمع الجمر مع البرد
ويحلو لي منك كلام ...... وأقبل من عدلك ظلماً
في رضاً قد بلغك من رشدي
وبعيد أنت وأهواك ..... وعشقي قد خلّد للخلد
وأسير الحب لعيناك ..... وأسعد بجوارك للأبد
وقعت بي منك سهام فأغثني برحيقك يوماً
فأملٌ بلا وعدٍ لا يجدي
>>>>>>>>>>>>>>>>>>>>>>>>>>>>>>>>>>>>>>
تحمّـلت أكـون غـلـطان ..
وأنا اللي معاي الـحـق ..
تحـمّـلت أكــون اللــي ظلم
نفسـه وهو ساكت ..
تـجمّـل خفـوقـي حيل ..
تسـلّـح صبــر أيـــوب ..
عـلى كـل ما قـد جـاك ..
جميـل الصبر عـذروب ..
أنا العمر وانت الوقـت ..
عـلى هالأمـر مغلــوب ..
يـفنى العمـر وإلا انت ..
عـــذابٍ عـلي مقسـوم ..
>>>>>>>>>>>>>>>>>>>>>>>>>>>>>>>>>>>>>>
انزعـه صمتـي وعـلمنـي الكـــلام ..... خـلّـنـي أقـتـل مفـاهيـم الخجـل
واكتشف من عـندي أسرار الغــرام .... شوفـة عيـونك طمـوحي والأمـل
أظـهرتـها عـيـوني همـي والهيـام ..... مـتعب الحـال قلبـي وما حـمـل
بقـطـعـه وقـتـي وبوصـلك ســـلام .... يا حيــاة الوصـل أو حـل للأجــل
ليت أنا أبكي منك ليلي طول عـام .... واذكـرك شخـصٍ بعينـي ما كمل
بـس مشكـلتـي قــدرك يا وســــام ....مـنـك ما شفــت خـــطايا أو زلل
>>>>>>>>>>>>>>>>>>>>>>>>>>>>>>>>>>>>>>
تـروّي يا حـسـن منـظــور تـروّي يا مــلاك الزيــن ..... تـروّي كـود عـينـي تـلتمس منك حـنيّه
شوصفك لو بغيت اذكـر مـحاسنك انعدم بك شين ..... وأخاف انّك تصر في وصفي لو قلت حوريّه
نـقـضتـي حـال المـقــدول عـلى عــارض المـتـنيـن ..... وشفـشف هـوى روحـي عـلى فركـة إيديّه
كـتبت القــصيـدة نـاوي أعـنّيـك أنا بـسـطـــريـن .... سجـى الفكـر بالمـعنـى ولـك تـمّت النيّه
أنـا ويــن جـــابـتـنـي المــقــاديــر وانـتـي ويـــن ..... تـولّـعـتـي الـلـــه لا تـزيــد الـولـــع فـيّـه
وداعــك عـمــر حـي خـذيـتيـه بـطـرف العيـن ...... معــك حي وإلا غبتـي يمـوت بعرب حيّه
>>>>>>>>>>>>>>>>>>>>>>>>>>>>>>>>>>>>>>
مقدور مقدور أجبر الوقت مقدور ..... وأخذ قضاي اللي تلا قضاك منّه
هذا قراري فيك والأمر مبتور ..... وشي يغربل ماله اليـوم رنّه
تعبت أجامل ذاك وهذاك مجبور ..... وش لي بجبر مايورث محـنّه
مادام عيني تبصر النور فالنور ..... لاأقلب لك الدنيا بها الوقت جنّه
الأوله بعطي عطا الروح والشور ..... وأسيدك فالقلب لو ماتحـنّه
والثانيه خذها حياتي ومشكور ..... شي يعجبك ياحبيبي تمـــــنّه
شي تفكر فيه بيجيك ممطور ..... زخاته الطاعه تحكمــه..تبنّه
صحيح أحبك وأشهر الناس مشهور ..... كل يعبر كيف يختار فنّه
ونّات عشاق المحبة لهم دور ..... شل ماتيسر لك بلا حيك غنّه
الصوت جر الصوت في قاع مهجور ..... هنا لنا زفرات وهناك ونـّه
>>>>>>>>>>>>>>>>>>>>>>>>>>>>>>>>>>>>>>
فرق بين اللي حكمني حكم وبين من مثلي محكوم ..... سيدي وش نال شخصي من جنابك دلني يا سيدي
عين تبصر واليد أقصر من شبر وذا وقتي شؤوم ...... لا ابتلاك الله من عنده بعدك الله يا الحظ الردي
الصبر ثم الصبر والنفس للبلوه على الشده تروم ..... قلت يدني عطفكم واثره بعيد عننا بعد الجدي
ابتسم للهم ويبكي داخلي رجل على حقه مهضوم ..... سيدي وان طاب لك ممسى فأنا ممساي قلبه زهدي
كني الرجلي وكل الوقت قيض يجرح الوجه السموم ..... حافي الرجلين يسند قامتي على الممشى عصى بيدي
ما يقاطع جرتي جره ولا به من وطى درب مهموم ...... سقت نفسي يم عد ولا رواني عد ولا حوض المدي
>>>>>>>>>>>>>>>>>>>>>>>>>>>>>>>>>>>>
ودمتم سالمين.........الاميره
العرض الشجري
