[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
اناشربني الدهر كاس بعد كاس= عشرين كاس وما ارتوى من بعدها
واربع كوؤس اضفت على القلب وسواس= والباقيات الله يعلم عددها
حسبي على الايام ما تنصف الناس= امد يديني وتقصر بيدها
حاولت ابنيها على جيد الساس= وحاولت اعدلها واجود عمدها
وحاولت اسايسها على وزن وقياس= وحاولت اكحلها واداوي رمدها
واليوم بقطفها بعد صرت غراس= لكن خانتني وغيري حصدها
ايام مثل البحر تحتاج غطاس= يبحر ولا يعرف نهاية مددها
وايام مثل الورد يقطف وينداس= ما احد يقدرها ويعرف شهدها
وايام منظومة كما عقد الالماس= ربي مسويها وربي عقدها
صحيح دا وائل شمت فيه جساس= يوم انتهى عمره وروحه فقدها
لكن مات وعزته ترفع الراس= ما همه اقواله ورجل نقدها
ارضى اعيش انسان لي حس واحساس= وارضى اعيش بروح تدفن كمدها
سري بصدري ما كتب فوق قرطاس= ما اشفي العدو بسر نفس خمدها
لو ينكتب همي على اوراق كراس = تبكي بيوت الشعر رجل قصدها
[/poet]
العرض العادي
