ودعتك الله لو على قلبي اخطيت

[الطائر المهاجر]

السلام عليكم ورحمة الله وبركاته
أسعد الله أوقاتكم بكل الخير والمسرات
حقيقة لا اجد العذر المقنع عن الإنقطاع عن هذا المنتدى
الذي يضم مجموعة كبيرة من الزملاء والزميلات الذين أكن لهم كل
التقدير والإحترام ، ولذلك ، قررت أن يكون أول منتدى يحتضن
هذه القصيدة التي خلصت منها للتو. أرجو أن تنال استحسانكم.


[poet font="Simplified Arabic,5,purple,bold,normal" bkcolor="transparent" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
ودعتك الله لـو على قلبـي اخطيت = وحاربتني من دون ذنب وخطيّه

احسبك تذكرني إذا اصبحت وامسيت = واثرك على فرقـاي نفسك هنيّه

اللـه واكبـر كيـف عنّـي تخلّيت = من بعـد ما علقت روحي البريّه

وش غيّـرك وش بدّلك ليه صدّيت = وانت الذي بالقلب نبض وهويّه

من هو بقى لي بعـدما عنّي اقفيت = وقدمتني للحـزن اثمن هديّه

كلـش تخيـلته ولا يــوم ظنيت = إنك لحد غيري ولانتـاب ليّه

ويلك من اللـه كيف بالحب ضحّيت = قلبك حجر ما حنّ يومٍ عليّه

اللي بنينـا بْعمر في يـوم هـدّيت = واحـلامنا ما عـاد منهـا بقيّه

اتعـد غلطـاتي إذا يـوم زليت = من دون مدري .. وين ذيك الحميّه

مافيه معصوم الخطـا لـو تحريت = ولا فيه كامل غير رب البريّه

ولو ما احبك ما نشدتك ولا اطريت = بعدك وصدك وانتخيتك نخيّه

ترجـع لقلبٍ يوم بالعقـل حبيت = وتترك هل الأحقاد واهل الوشيّه

خـايف عليك وخـايفٍ منك ياليت = مايوم حبيتك وصرت الضحيّه

لا نيب حي بعـد هجرك ولا ميت = ولا ني مريض ينعرف بالشكيّه

لكنـي ادرى بحـالتي لا تـرديت = ولا ينفـع الملتـاع طبه وكيّه

مالي سوى اللي كلمـا راح ناديت = يا كود يسمعني ويرجـع إليّه

[/poet]