طـــــــــفـــــــل يضحــــــــــــك...

[ريــاض القلب]

[poet font="Traditional Arabic,5,white,bold,normal" bkcolor="transparent" bkimage="backgrounds/22.gif" border="double,4,gray" type=0 line=200% align=center use=ex length=0 char="" num="0,black" filter=""]
تضحك..
يا هالطفل البريء..
تضحك..
وتجي بشكلٍ جريء..
تضحك..
ولا تدري عن الحاضر..
وعن اللي منكتب باكر..
وعن الدنيا وبلاويها..
وخيبة هالرجاء فيها..
وعن أوضاع الخلق و الناس..
وعن اللي بدنيته محتاس..
بريء و ما تدري..
وتوك بالعمر بدري..
لفانا ظلم..
وضاع الحلم..
وتبدل كل وفاء بغدري..
وتوك بالعمر بدري..
اضحك..
وعيش الفرحة كل لحظة..
ترى باكر بلا لحظة..
بلا فرحة..
بلا ضحكة..
ترى باكر كثير الهم..
وتبكي هالعيون الدم..
ترى باكر عديم الفرح..
تعيش بهم..
تعيش بجرح..
أنا برجوك لا تكبر..
ولا تفكر..
ولا تسهر..
ترى العاقل ظلم نفسه..
وعاش الوقت و تكدر..
تبي تفهم و مستعجل..
ولكثر الهم تستقبل..
ترى هالعقل خيبة..
وكل عاقل ملا جيبة..
من همومه..
ومن أحزانه..
وبين بالبشر عيبه..
وبين طبعة الإنسان..
طبع كاذب طبع خوان..
جحودٍ دايم النسيان..
وبين طبعه الإنسان..
أنا برجوك لا تسأل..
ولا تفهم..
من الواقع تبي تزعل..
نغالط أنفسنا كثير..
صرنا نعكس كالمرايا..
ونشرب الكأس المرير..
ونأخذ بحسن النوايا..
ما نواجه هالمصايب..
ما نعارض..
ما نشارك..
ما لنا رأي و تجارب..
وفي النهاية..
أنا برجوك لا تفهم..
ترى تتعب..
وتتعذب..
عيش اصغير و أتهنأ..
تراك الحين في جنه..
و اضحك..
قبل ما تنسى طعم الفرح..
وتعيش الوقت هم و جرح..
و اضحك..
و اضحك..

عـبدالله

[/poet]