قالـت فـمـان الله يـاقـرة العـيـن
......ما كل عينـن حققـت مشتهاهـا
ولا كل مديونن وفى صاحـب الديـن
......حل السفر والعين جاهـا بلاهـا
ناظـر ركايبنـا عـن الـدار ماشيـن
......ولا كل ماشي يرغب اللي مشاها
يوم استدارت قلت انـا يالغلـى ويـن
......العين لا دفنت ولا جـف ماهـا
ولا زالت الديـره علـى مـا توديـن
......مدهال ضيف وتكرم اللي لفاهـا
قالـت مجّـرب يارفيـق العزيزيـن
......ودياركـم والله زايـد غـلاهـا
حنـا عـرب ولنـا قرايـب كثيريـن
......والتاليـه لازم تجـي مبتداهـا
قالـت حسايـف ياقلـوب المحبـيـن
......ويوم انطقتها باشرت في بكاهـا
قلـت اسمعينـي دام لازم تروحـيـن
......ياروح روحي يامحاري مناهـا
ابسـألـك بالله لا عــاد تبـكـيـن
......ولا عاش من ضيق عليكم فضاها
وبالله نفسـك يالعـزيـزه تراعـيـن
......يانور هالدنيـا وقمـرة سماهـا
اطلبـك عـن درب النذالـه تصديـن
......ولا تقبلين اللي فروضه نساهـا
روحـي فمـان الله يـاقـرة العـيـن
......ولا كل رجلن ياخذ اللي بغاهـا
وسلامتكم
العرض الشجري
