اعزائي اعضاء همس القوافي اضع
بين ايديكم هذه الابيات اللتي قمت بكتابتها آمل
ان تحوز على رضاكم
[poet font="Simplified Arabic,5,orange,bold,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=" glow(color=red,strength=3)"]
ياناس كيف الناس تقسى على الناس = ليه القسى في معظم الناس راسي
مدري فخر اوصار للناس نبراس = يمشون في دربه بليا اساسي
صرخت انا وناديت بالصوت ياناس = وين الوفاء وين الغلا والحماسي
بالقلب هم وصار كتمه بالانفاس = وعبرات معها عشت انا بانغماسي
اسبابها صدفه وعلى قلبي اللاس = حبل الغلا على الشرايين لاسي
حاولت اجنب وناولن عزمي افلاس = ورميت في بحره جميع المراسي
وشلون اقاوم نظرة(ن) ماله قياس = وخد(ن) لمع كالبرق وسط الدماسي
وعيون كن رموشها سيوف حراس = ياسلهمت واغضت بذيك النعاسي
والمبسم اللي به ثناياه جلاس = كن البرد بالثغر راسي وراسي
وغطى نحرها ليل(ن) اسود لها داس = فوق الكتوف اسدل سواده متواسي
انشهد انه صار لقلب وسواس = وانشهد اني منه صرت بمآسي
عانقت حبه وصار لي فكر وإحساس = واصبحت محكوم(ن) عقب قو باسي
ياليتني عن روحة الجوف جلاس = ليتي سلمت من الزيارة اساسي
من سبتك يالجوف انا قلبي انداس = بزيارتك الفاس طاحت براسي
من دار حايل سجت الرجل مرواس = دعوه وليتي لموعده كنت ناسي
اسبابها شربت انا المر بالكاس = ولو قال ثنه قلت له هاك كاسي
مدري يتحقق شوفه اوياس في ياس = اعايشه واطوي رجاها بياسي
[/poet]
وتقبلوا تحيات
اخوكم
سراب الراحل
العرض العادي
