ردي على قصيدة رياض الشمري

[عـبيد السبيعي]

[poet font="Arial,5,white,bold,normal" bkcolor="transparent" bkimage="backgrounds/3.gif" border="none,4,gray" type=1 line=200% align=center use=ex length=0 char="" num="0,black" filter=""]

قدح الزنادي

حي البيوت اللي لفتني على ساس=من شاعرن ساد الشعر وإستسادي
رياض ابن ناصر له الطيب نوماس=من لابة سمً على كل عادي
شمر لها تاريخ الامجاد نبراس=يوم الدعاوي ردها بالهنادي
لاشك ربعي يوم الارياق يباس=ويوم الرجال تزيد قدح الزنادي
خذت لها من فوق الامجاد مجلاس=وتربعت به لين زان البرادي
اقولها والقول مثبت بكراس=يقراه من جاني يزيد العنادي
وكل القبايل مجدها هامة الراس=واللي نسى فعل القبايل ربادي
والشعر عندي ماله حدود واقياس=وان شح للعربان بالفكر زادي
ورياض جاب الجزل مردف بقرطاس=ينصح خويه من خبول العبادي
هو مادرى اني ماخذن جزلي إلباس=ادفنه وانقض دفنته بالمرادي
وان عارض حروفي هبيلن وبلاس=عرضته بقافي وسيع الحمادي
وبعض المعرفه ربحها عده افلاس=يوم الشدايد مايسد اعتمادي
اقولها واختم كلامي على ساس=للشاعر اللي نجمه اليوم بادي
وصلاة ربي عد ماصلت الناس=على الذي جاء للمخاليق هادي


********

وسلامتكم


اخوكم.. عـبـيـد الـســـبـيعي

[/poet]