انتي معي ولاّ مع الوقت ضدي

[الطائر المهاجر]

[poet font="Simplified Arabic,5,white,bold,normal" bkcolor="purple" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
انتي معي والا مع الوقت ضدّي = يا جارحه قلبي جروحٍ جديده
مدري علامك مستمره بصدّي = ان كان لي ذنبٍ ذنوبك عديده
اتعبني المشوار قيدك بيدّي = وش لون افكّه وانتي عني بعيده
تمضي سنين العمر ترفض تهدّي= وانا مْتعلّق بين ضدّ وضديده
ياعايشه بالوهم ما كان ودّي= اجرح شعورك او نزيفك ازيده
اغراك من بالحب ماهوب قدّي = ولا عنده اخلاصي لحبي الوحيده
الحب ماهو هرج والاّ تحدّي = ببعض الهدايا او بحلو القصيده
الحب ماله لا قياسٍ وحدّي = شيٍّ تحسه داخلك كالوقيده
لو يبتعد حبّك تحسّ التردّي = ولا من لقيته نشوتك به اكيده
ردي عليّ الصوت يا كل بدّي = من لي بعدك اليوم قلبي يريده
لاتتركيني للزمن صار ضدّي= يا ما دهاني بالغدر والمكيده
نبضي:عروق القلب تنزف بجدّي = الى متى تنزف وحالي شديده
وانتي تعيشي بحلم جزرٍ ومدّي= صدقتي الخادع بكذبه بليده
وأنا احبّك غصب ماهو بيدّي = مقدرعلى هجرك وربي شهيده
لو ما احبّك ليه بيّحت سدّي = واكشف لك الخافي واكرر واعيده
ردي عليّ الصوت بالله ردّي = من قبل ما روحي تفارق شهيده

[/poet]