العريس وصل ياقماعة

[عزو]

إخواني وأخواتي الأعزاء ، تحية ود وتقدير
كما وعدتكم هاأنا ذا أدون لكم قصيدة العريس التي تأتي رداً على قصيدة العزوبي التي سبق نشرها في هذا المنتدى . أرجو أن تنال إعجابكم ورضاكم . مع خالص ودي
أخوكم : عزو

[poet font="Simplified Arabic,4,black,bold,normal" bkcolor="transparent" bkimage="backgrounds/11.gif" border="double,4,black" type=0 line=200% align=center use=ex length=0 char="" num="0,black" filter=""]
قال العريس
قال العــريس انــا الذي في ســـعاده=ماني عــزوبــي ضايق الصدر مهموم
مبسوط من مثلي قعــد عنـــد غاده=مهـــــوب مثـــل اللي لحاله تقل بوم
في كل لــيله حاضنٍ له وســــــــاده=وانـــا مـع المـزيون في غــــرفة النوم
أنا اشهد انه عايشٍ في قـــــــــراده=يروح عــمــــــره مـــــا تهنى ولايوم
الى دخــل للبيت يبلش بـــــــــزاده=يقعد يقــطّــع له طمــــاطٍ معه ثوم
ولا قضى عقب العصـــر مـن عـداده=والـــــحــوض من كثر المواعين مزحوم
والى غسلهن ثم فك الســــــــــداده=دلى يغســــــل له ســـــراويل وهدوم
وان ماطــبخ روّح لمطعـــم حمـــــاده=والا قــعد في منزله واعـــــلن الصوم
وان جاه ضيفٍ باغيٍ لــــه رفــــاده=يـروح يشــــــــــري رز وايــدام ولحوم
ما يعرف الشمبو وراســــه عـــــراده=وشــــــــمغه من الكواي ملــيانه رقوم
ما يكنس الفرشه ويلـــقط بــــداده=اما بقــــــايا رز او خـــــــبز معـــروم
عنده صواريرٍ بحـــاجه ابــــــــــاده=تســرح وتمـرح في الغرف دايم الدوم
يجمع قروشه ويتســـلف زيـــــــاده=حتى يسـافر مصــــــــر او ديرة الروم
او راح يم التاي وتـــرك بـــــــــلاده=ناظر جـــــوازه ممـتلي كلـــــه ختوم
دايم يسافر ما يعــــرف العـــــــباده=يسكر وينــــكر و........ بـــالكوم
وإلى رجع يـروح يـم العـــــــــــياده=حيث ان فـــــيده مـن فعايله مزكــوم
وإلى قعد مارس مع .......عـــــاده=حيثه مسيــكينٍ مـــن العرس محــروم
له موتر خرده كثير فســـــــــــــاده=في كل يـــومٍ في الاشـارات مصـــدوم
غمارته تقول ورشــه حـــــــــــداده=ومـــريقـده في شـنطته دوم محـزوم
دوم يتنقل تقل كنه جـــــــــــراده=في كـــــل يومٍ نـازل له على قـــــوم
يسهر والى قام الظهر مــن رقــــاده=روّح على شــــغله والى اليوم مخصوم
يذي بنات النــــاس يبغي مــــــراده=في كل يـــــومٍ زاهمٍ له على ( هـــوم )
اراه مايعــــــــرس ويقــدح زنـــــاده=يترك بــنات الناس ويصير معـصوم
يلقى هنوفٍ تخـدمـــه مثـــــل داده=ويصـــــــير رجّالٍ ويسلم من الــــلوم
يفرح الى من قــرب وقت الــــولاده=ويصير معـنى العرس بالحيل مفهوم
يشوف أولاده ومعهم شــــــــهاده=قبل الــــوفاة وقولة الناس مرحـــوم
كلمات : عزو
[/poet]