السلام عليكم ..
هذي القصة اتمنى ان تقرأوها ...
في الشهور الماضية كنت جازما ً ألا أقع في الحب أبدا ً .. لا لأنه لي تجارب سابقة ولكن كنت رافضا ً الفكرة من الأساس كنت أعلم أن الحب أمر ضروري في الحياة ولكني أعتقده أمر غريب فهو يحول جميع الأمور من حولك فأنت تعيش في الحب أياما ً صعيبة ولكنها جميلة ..........
الكثير يقولون : (( أن الحياة من دون الحب مجرد خوف ))
وأنا أقول : (( لن تعرف الخوف إلا إذا أحببت )) .. >> حكمتي الخاصة من تأليفي ..
ولكم قصتي :
في يوم من الأيام كنت أنا والشباب طالعين على الكورنيش (( الخبر )) .. ناداني واحد منهم على جنب وقالي :
تعال مشينا الى مجمع فؤاد سنتر (( وهو دايما عوائل )) المهم بطريقة واخرى دخلنا طلعنا الدور الثاني عند المطاعم وخذتنا السوالف وحنا ننتظر ذا العشاء اللي ما يبي يجي ..
الا وهناك ثلاث بنات مارين من جنب طاولتنا فضربت يد اخر وحده فيهم على الطاوله فانكب العصير على ثوبي !!! وهي انطلقت بعد ما قالت (( أوه .. آسفة )) انا ما دريت وش اقولها تبسمت بس .. الحين انا من شغلت الصير اللي منكب علي والا من خويي اللي فاقع الدنيا ضحك .. << تخيلوا عصير فراولة على ثوبك في مجمع ..
لحظات لين ما اسكت خويي .. واقوله : وش اسوي الحين ؟؟ الله من هـ النشبة ..
الثوب مليان عصير والمصيبة اني بالدور الثاني واليوم خميس !! يالله وش ذي الورطة ..
عاد اللي طلع فيه خويي قالي انت رح دورة المياه وان راح اجيبلك ملابس من السياره ... قلت : ok
رحت الدورة وراح جابلي الملابس لبست وطلعت ورحنا لنفس الطاولة وقابلنا البنات قدامنا ..(( اللي يعرف المجمع يدري انه صغير )) الوكاد .. انا جلسنا وسط نظرات غريبه منهم شوي الا اختها تأشر بالجوال عاد ما يبيلها افهمها .. الحين قامت ام الركب ما قدرت اوقف وبعدين انا خفت ان اللي تاخذ الرقم اللي اشرت بالجوال وانا ابي اللي كبت العصير ومن عقبها كتبت بالورقة (( الرقم للي كبت العصير )) عاد هي قامت تبوسم لي انا انخميت بنت واضحكت لي .. المهم طلعنا من المجمع وبعد أسبوع كنت وقتها مسنتر بالبحر أسبح .. طلعت لقيت رقم بالجوال غريب دقيت عليه الا واختها ترد :
أنا : ألووووووه ...
اختها : مين ..
أنا : اقول هالرقم تو داقن علي ..
اختها : لا ما احد دق عليك ..
قاطعتها: لا والله قولي جوالي كذاب لا لا قوليها .. والله هذا اللي ناقص ..
المهم سكرت بوجهي ..
يوم رحت البيت الشياطين قامت تناقز قدامي قلت خلني ادق عليها نتسلى شوي ..
دقيت .. طوط طوط طـــــــــــوط شوي وردت :
انا : الوه
هي : (( حالت صمت ))
انا : (( خشيت بوجها )) يا بنت الناس انتي الي قابلتك بفؤاد سنتر ..
هي : ايوووووووووه (( العن ام صوتها يا جماعة اروووووووح قوطي بيبسي ))
انا : طيب وراك ما تكلمين
هي : وش تبيني اقولك ....<< السوالف اللي بعدها مالكم شغل فيها ..
وبعد سنه وسنتين ... أقولكم وبصراحة وهي ما تسمع أنا فعلا حبيتها .. كيف .. مدري .. وشلون ..
لا تسأل .. من الله كذا ....
وبعد سنتين وثمانية شهور رحت كالعادة عند مدرستها يوم الثلاثاء .. واقابلها ..
• العادة اني اجي لها كل ثلاثاء .
الا ذا اليوم ما ادري وش جاني قلت خلني اروح اشوفها من بعيد حتى لو ما اقابلها عادي
رحت ولقيتها توها نازلة من سيارة واحد .. قلت اكيد هذا اخوها ..هي شافتني وخافت وردت دخلت المدرسة
انا باقي انتظرها الا وهي طالعة وراكبه مع ابوها !!!!!!!!!!!!!!!!!!!!!
العن ام الصدمات اللي زي كذا جت صلاة العصر وانا تقول جنط مقطوط برى ما تحركت من مكاني ..
المهم ..
دقيت عليها ما ترد يوم ويومين وثلاثة ... بعدين دقت علي بعد أسبوع ؟؟
رديت على طول من هو ذاك ؟؟؟ >>> حاولت ترقع بس وين أنا مغرز
المهم زفيتها شوي وسكرت بوجهها .. وقلت خلاص ...
وبعدها بأيام لا أيامي أيام ولا ساعاتي ساعات البكا ما بكيت بس القهر يأكل من صدري
دقت علي شفت الرقم ورديت :
انا : أي شي غير حبك تامرين امر ..
هي : تبكي وتقول : وينك انا أسفه خلاص ارجع لي ..<< ومن هذا الكلام ...
انا : انا ما رديت الا احسب ان الموضوع غير ذا بس الله يصبرني وأنساك وان شا الله تنسيني.
وسكرت ومن هذاك الى الحين ما سمعت صوتها ...
بس اللهم اني اهديتها قصيدة عن طريق صديقتها ... وهي :
يا الذي قلت المحبة عشتها
واعتبرت الحب ضحك وتسليات
كل شي بيننا كان انتهى
وأصبح الموضوع ماضي وذكريات
لا ترجى بعد كلمة قلتها
وفـر دموعك وتزييف النهات
كنت اصدق دمعتك لا شفتها
ثم اقول انك شريكي بالحيات
للأسف لعبة وانا صدقتها
وانخدعت بحسن منطوق الشفات
غلطتي وعن مثلكي سجلتها
لأجل تبقى درس ترويه الروات
كل واحد زل وبالدنيا التها
واعتبرتك زلتي وما فات ... مات
وسلامتكم ..
يا جماعة البنات ليسوا بشياطين .. بس .. هذا ما يعني أنهم ملائكة ..
طحياطي .....
الف شكر على مرورك ....
العرض العادي
