وينكم يالمعاريس تردون على هالعزوبي المصرقع

[عزو]

وبعد الغزل جاء دور الهزل للترويح عن القلوب التي أرهقها الحب .
إخواني وأخواتي وأؤكد على أخواتي حتى لا يزعلن مني بسبب هذه القصيدة ، تحية طيبة ، لست ممن يدعو إلى العزوبية حاشا لله وإنما هي مداعبة بسيطة تعبر عن رأي قلة من العزاب عسى الله أن يهديهم إلى طريق الزواج ، وقد أحببت أن تشاركوني بها .
ومرة أخرى أعتذر
أخوكم عزو

[poet font="Simplified Arabic,4,black,bold,normal" bkcolor="transparent" bkimage="backgrounds/11.gif" border="double,4,black" type=0 line=200% align=center use=ex length=0 char="" num="0,black" filter=""]
قــــــال الــعــزوبـــي

قال العزوبي يوم شـاف المعاريـس =الرابـح اللـي لاقعـد مايقـومـي

أول سنـة كـلٍ يبـث الاحاسيـس =وثاني سنة تجلب عليـك الهمومـي

وثالث سنة حط الرمـل والمتاريـس =لابد مـن حـربٍ تقـوم وتدومـي

لامن دخلـت الـدار لاكنهـا بليـس =متلفلـفٍ فـي غاليـات الهدومـي

تأخذ من المخباة وتسحب من الكيس =وتغيـر الموديـل شـيٍ لـزومـي

وان قلت ما أملك يامره لوهو فليس =قالـت تديّـن لا تكـثـر بلـومـي

ولاجيت مرة نـاويٍ لـك ب....... =قالت تصّبـر خـل قلبـك رحومـي

ليتك تساعدنـي تصحـح كراريـس =زادوا علينا أربع حصص في العلومي

أزوارة في العصر والصبح تدريـس =والليـل تصحيـحٍ وودي أنـومـي

تبكي إذا جاها وجع لوهـو ضريـس =وتقول أبي دكتـور ماهـو حكومـي

يروح عمرك بين عرسٍ وتأسيـس =واربـع سنيـن والبزاريـن كومـي

وسط المطابخ بين قـز ومحاميـس =هـذا صحـن رزٍ وهـذاك ثـومـي

والا خلصـت إمنظـفٍ الملالـيـس =جتك تقول انهـج نبـي زود لومـي

ولا جبت قالت اكنس الحوش تكنيس =خل البلاط يصيـر مثـل النجومـي

ومكرسٍ جهدك من الخوف تكريـس =وان نادتك بالصوت اقبلـت مومـي

يجيك تـال الليـل دايـم كوابيـس =ويشيبنـك مزعـجـات الحلـومـي

هذي حياة اللي ركض باغـي...... =ضيع حيـاة أول وصـار محرومـي

تعيش يالمعـرس حيـاة المحابيـس =وشف العزوبي بكل شارع يحومـي

من مفرق جلاجل إلى جوي للخيـس =وان حار حايرهم بوسطـه يعومـي

يفرح إذا شاف الوتـر والمراويـس =وفي كـل يـومٍ كاشـتٍ ومعزومـي

شف العزوبي مايعـرف الهواجيـس =ولا يـودي حرمتـه كـل يـومـي

يا عنك ماحاش الفخـر والنواميـس =الا عزوبـيٍ يـعـرف السلـومـي

اذا اعرس المعرس غدا عندنا هيس =ونزيل اسمه مـن سجـل القرومـي

والى بغيـت البهذلـة والدحاويـس =فأعرس وخلك من عـداد الرخومـي

وش صابكم من عرسكم يا المفاليس =وش استفدتوا غيـر دق الخشومـي

اللي تزوج أشهد انـه غـدا تعيـس =والرابح اللـي ماخـذٍ لـه..........

ترى عناق العام نطت على التيـس =والحرعقب العـرس يصيـر بومـي


كـلــمــات : عزو
وانتظـروا قريـبـاً رد العـريـس
[/poet]