وش اكتب من قصيدي لو كتبت وبغيت اقول
سوى انك شمعة الدنيا بعيني يا نظر عيني
شسوي لاغدى شعري بغرامك والهدب مدهول
شسوي وانتي من حبيتي ملكتي كل مافيني
شقول ان جيت ابحكي لك وارتجيك حلول
عليك الله وامان الله تقولي انا شفيني
قلبني غرامك و غديت انا لابعاقل ولامهبول
صرت ما انام الليالي وطيوفك تخاويني
انا من لحظة اللقيا وانا بالي معك مشغول
شغلتي كل تفكيري بصراحه انتي ملكتيني
اذا عيني لقت عينك كن عينك تومي تقول
كلام ما سمعته في حياتي وماضي سنيني
حبيبي لاتخليني ابي قربك وابيك تجول
تجول بروضة افكاري وعلى كيفك تمشيني
انا لاجلك بشيل حمول وانا لجلك بحط حمول
بسوي ما تريده بس تكفى لحالي لاتخليني
حبيبي لا تعيشني على لحظات أمل مقتول
كفايه جرحي اللي راح ترى والله مشقيني
ابيك تجدد الفرحه وابي عمري معك معسول
بنسى كل أحزاني دخيل الله انك تنسيني
ابعيش السعاده يوم وابعد عن همومي حول
وابي مابينها تقعد بجنبي لا لا تجافيني
ابي كفك على كفي وابي فعل قبل قول
و ابي عذب الغرام يكون مابينك وبيني
ولك مني عهد وافي وخذ وعد لا يزول
انا والله ما اخونك دامك ما تخونيني
ويش العمر دونك عمر الحزن بأمل مقتول
تضيع احلام معك بنيتها وتشتت عناويني
ضاعت الكلمات ولا ادري وش بعد بقول
سوى انك شمعة الدنيا وبهجتها بعيني
العرض العادي
