السلام عليكم ورحمة الله وبركاته
وعذرا ً للغياب وان شاءالله تكونون ياغالين اليوم ودوم بخير يارب
اعزائي .. كثر ترديد (( راح رمضان ..راح رمضان ..راح رمضان ))
هذه ابيات من وحي الكلمه
اجتهاد في شهر الخير والبركه .. نسأل الله ان لا يحرمنا أجره
وأن يجعلنا والجميع ممن يسمعون القول فيتبعون أحسنه
اليكم هذا النص ّ ..
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
راح رمضان وحي ّ من هو شرى به=زاد ٍ لروحه من فضايل واعمال
زكّى وصام وراح يختم كتابه=محيي فروضه مع تراويح وانفال
وخسران يللي صار صومه زهابه=نايم نهاره وفي لياليه خيّال
بين القهاوي وبين اهل المعابه=لا مصلي ٍ فرضه وبالصوم يختال
هذا حرام ٍ حتى زاده وشرابه=مسلم ولكن بالتصاوير وامثال
يالله طلبتك فك ّ عنها حجابه=يالله طلبتك من نساوين ورجال
وتلهم خفوقي من معين ٍ حوى به=ايمان ٍ والأيمان يزهى بالافعال
من يشرب الايمان تلقى نصابه=من خَيّر الأعمال وبكل الأحوال
ماهو بشهر ٍ بس يلقى مهابه=وحده ولكن في تواليه كم ضال
يا كثر ناس ٍ في طبوعه رتابه=والنقص مابه حيلة ٍ كان نحتال
يا غافل ٍ راحت سنينك كئابه=افطن تفطّن قبل ماالموت يغتال
فرحة سنينك والعمر واحتسابه=تصبح جهنم بعدها هي ّ مدهال
أزهم على باب ٍ تلاقي جوابه=بعد الرحيل وبعد ما يقال رحّال
تلقى بقبرك كل خير ٍ ترى به=في لحظة ٍ فيها سؤال ٍ واقوال
من يلهم التثبيت تلقى نصابه=جَنّات ِ عَدْن ٍ وبها خير منزال
ومن غرّه التثبيت تلقى حسابه=مكيال حفره من جهنم بها جال
؛
؛
؛
[/poet]
اللهم انا نسألك حسن الخاتمه يا أرحم الراحمين ولجميع من يقرأ
ضامي الشوق
العرض العادي
