يوم الثلوث لنابي الـردف مريـت=وسلمت في طرف اليمين الشمالي
اخـذت منـه اشـارة ثـم قفيـت=وصفقت كـف بكـف واعزتالـي
حظي ردي في شوفته ما تهنيـت=الناس من حوله ولاشـي مجالـي
من بعدها في عالي الرجم عديـت=في راس لملوما من الروغ خالـي
عديت في راسه الامنـي انهيـت=وجلست في راس الطويله لحالـي
تاتيني الافكار مـن دون تشتيـت=وتمرني مـر السحـاب الثقالـي
اهد وابني واردف البيـت للبيـت=آخذ من الطيب واكـب الهزالـي
ابديت ما كنيت واظهرت ما اخفيت=من البيـوت المثمنـات الغوالـي
مسكين يـا قلبـا تعبـت وتعنيـت=واعزتـالـك ثــم واعزتـالـي
تجر عبـرات وونيـن وتناهيـت=واللي تحبه دالـه القلـب سالـي
ما شال منشانك ولو وزن كبريـت=سراب في قيعه صعيـب المنالـي
لاشافـه الظميـان يقـول رويـت=يطرد سراب بقـاع يـا هملالـي
يا قلب انا جربت واخذت واعطيت=ماني صغيـرا باللفايـف يشالـي
شربت مر وحلو ولغيري اسقيـت=ومن الهوى قاسيت مـرا وحالـي
كم مرة زعلت ولغيري ارضيـت=وكم ليلة سامرت سمـر الليالـي
ساهر طوال الليل ما ساعه اغفيت=دنيـا دنيـه جعلـهـا للـزوالـي
وكم ليلة بكيـت ولغيـري ابكيـت=ومن حر مابي قمت ارمي عزالي
اتعبتني يا قلب ولرجلـي احفيـت=يا قلب خاف اللي على الناس
واليامـا تناحـى انـت ولا تناحيـت=خذ لك مجال وخلني في مجالـي
اسالك فـي طـه ويـس والبيـت=ان لا تعلقنـي بجـرف هيـالـي
يا عنك منسى حب من تزهي البيت=منبوذة الردفيـن عنـق الغزالـي
من ساس ربعا بالملاقا لهم صيـت=فكاكـة العانـي حمـاة المقالـي
ما هي علوم مكثريـن الهتاهيـت=اللـي يخلـون الخفايـف ثقالـي
العرض العادي
