قل لي من تكون ؟؟...أقول لك من أنت ؟؟

[الدبــ النحيفــ]

بينما كنت أقلب شريط ذكرياتي بعد ماقلبت وجهي من عند اهلي وجدت فيما يرى النائم
موضوعا قديما لي كنت وقتها في اخر مرحلة بالثانويه وكانت تلك من بدايات كتاباتي اللتي لاأدري ماذا تريد
(( قل لي من أنت ؟ ... أقول لك من تكون ))

تحياتي الى الجميع
طبعا عنوان الموضوع زي ماانتم شايفين والسادة الحضور يعبر عن قمة الدلاخه لكن المشكلة ليست هنا المشكله هناك <===انواع ثقل الطينه
المهمـ / يااخوان...ماتلاحظون شئ غريب في حياتنا اليومية؟؟
ماتلاحظون ان فيه شئ متغير في مسيرة حياتنا؟
ماتلاحظون ان فيه شئ اصبح متغيرا تغيرا جذريا عن السابق؟؟
اذا لاحظتوا فياليت تقولون...لاني عن نفسي..مالاحظت اي شئ
نجي للعم..قصدي للجد هل نحن دلوخ..ام نستدلخ؟؟أم نحن الاثنين معا ؟؟والدلخ في اللغة هو من يملك عقلا كبيرا كبر راسي ولكنه فارغ!! اذا كان الجواب لا اذا ماذا؟<===مدري ليش احس انكم مافهمتم شئ بس معليش باشرحلكم . يعني هل نحن نملك قدرة كبيرة على اقناع انفسنا بأشياء لايصدقها عقل..ام نحن في الاصل طبيعتنا هكذا نصدق كل شئ اللي اقصده<==الاخ راعي طويله.
اننا لازم نفكر شوي قبل ماناخذ اي معلومة من اي مكان ونشوف هل هي حقيقه ولا خيال مشكلتنا اننا ناس مغرقين انفسنا في الخيال نربط كل مايحدث امامنا بأشياء خياليه<==== ترا شوي ويتهمكم بتهريب ممنوعات . يمكن لاننا نبي نهرب من واقعنا او اننا مللنا من روتينية الحياة فنحاول نخلي لها افاق ومعاني اخرى <===( عندي احساس اني بتصفق وبنجلد وبانطرد من المنتدى لاني حاس ان كل واحد فاك فمه ويقول وش يبي ذا؟) لكن ابضربلكم مثال<=== بس بشويش عليه بالله .كنت انا مره من المرات جالس<=== بشر امك
وبالصدفه..بالصدفه البحته ..وقسما برب الكعبه انها صدفه..والله من دون تخطيط...
وجدت جنبي مجله..<=== بيتشوت جلست اناظر هالمجله وهي مرميه على الارض على يميني
فأخذتها ورميتها على يساري<==== يقاله تغيير في الروتين
بعد ذلك جلست اتصفحها عندما طاح نظري..او وقع نظري بمعنى اصح على صفحة مكتوب فيها...من تكون...او من انت..والله مااذكر بالضبط..المهم ماعلينا..راح نتجاوز هالمعلومة درءا للمفاسد لقيت عدة اسئلة..وتحت كل سؤال عدة اجابات اختيارية..

وفي الاخير...يوجد تحليل لاجاباتك اللتي اخترتها..

صراحة قلت في نفسي خلني اشوف واجاوب على الاسئلة واجرب
<=== يعنني ماادري عنها..اشوا انك ماتفوت ولاعدد من المجلات اللي فيها هالاسئلة
<==== وانت وش دخلك ياخوي موضوعي وكيفي..ابنصب فيه..انت وش حارق رزك؟
<==== ابد..كنت معلي على النار شوي واحترق
<=== اقول ياثقلكـ بس..ولايكثر
المهم..في الاخير بعد ماحليت جميع الاسئلة جلست اشوف تحليل شخصيتي واطابق كل شئ يقولونه على شخصيتي واشوف هو صح ولالا؟
(( انت شخص حساس..مفرط الحساسية..شديد التأثر بما يجري حولك))
اي والله انهم صادقين حتى اني اذكر مره شفت قطوه تعرج وتتأوه من الالم وقاعده تتعذب قمت وصمختها بحصاة على رأسها وانتقلت الى رحمة الله علشان اخلصها من العذاب
(( انت شخص جذاب..تجذب من حولك))
في هذي ماكذبوا.والله اني جذاب دايم اذا رحت لمكان دايم سبحان الله سبحان الله الذباب مايتجمع الا علي.يترك اخوياي كللللللهم ويجي علي انا
(( انت ديموقراطي في تعاملك مع الاخرين))
والله انهم صادقين مع اني مدري وش معنى ديمورقاطي بس ولو شكلها زينه المهم صادقين
(( تتمتع بروح رياضية عالية))
اووووه..عاد انا في الروح الرياضية..جدث ولا حرج...دايم ماشالله علي العب كيرم واحد طش<== دايم مسنتر عند الحاله .وغيرها من الالعاب وكل اخوياي يقولون انت سريع ماشالله واقولهم علشان روحي رياضيه لذلك انصح كل من تسول له نفسه ان يقدم على مثل هذه الرياضات بأن النشاط والصحه ستكون مصيره والله الهادي الى سواء السبيل
(( أنت رومانسي..حالم..احاسيسك وعواطفك ليست لها حدود))
<==وضع الدبـ يديه بجانب خده الايمن وميّل خشته..تقول كنّه ميني ماوس اذا جاء ميكي يعطيها هديه
اووه الرومانسيه مايحتاج كللي رومانسيه من اولي لاخري حتى اني مااعرف انام الا وانا مطفي النور من الرومانسيه
<=== اثناء ذلك يتلقى الدبــ صمخه محترمه من نوع ABS المانعه للانزلاق واللتي تكون موجهة للجبهه مباشرة واللتي كشفت مصادرنا انها كانت موجهه من الوالد العزيز واللذي كان يطالب بحقوقه في التهميز والتدليك والمساج اليومي اللذي كان متفقا عليه مع ولده وفلذة كبده الدبـ وهو اليوم اللذي سمّي باتفاق السادس عشر من يوليو واللذي ينص على ان يقوم المدعوالدبـ<== بتلقون صورتي في ورقة العقد وانا ماسك ارقام على صدري كني مجرم ان يقوم المذكور بعمل تهميز وتدليك ومساج يومي بمعدل نصف ساعه كل يوم للوالد العزيز
(( وبعد مضي اكثر من نصف ساعه حيث ان الوالد حسب الوقت بدل الضائع))
اووووووه يايديني ياوالله اللي راحت في هالتهميز اعوذ بالله قاعد اهمّز صخر<=== قديييم الناس الحين في بلاي ستيشن 2 وذا توه صخر<===اقول لايكثر قبل مااجي واتوطا في حوض السباحه
المهم نعود الىهالمجله وخلنا نكمل ونشوف وش مكتوب فيها اثرني ماشالله علي كامل وانا مدري...ياحبني لي بس
(( انت انسان مهذب..لطيف الحديث..مجامل..تملك اسلوب رائع في الكلام))
لحظه لحظه بس ممممممم صح اذكر اني قبل كم اسبوع لما حطت لي امي العشاء قلت لها بالغلط يسلموو هالإيدين قالتلي منتب عاقل يالبلجيكي بس الظاهر اني لازم اقولها دايم علشان اطلع نفس اللي قالوه عني بالمجله شكلي بأكثف من متابعة المسلسلات السورية كلها من اولها لاخرها يسلموووووهالإيدين وانت ماشي
شكل الرجال اذا تهاوش مع زوجته قالها عطيني شنتايتي<== بمعنى حقيبتي لمن هم خارج مدينة الرياض وعلى القاطنين في ضواحيها مراعاة فارق التوقيت المهم اذا عطته قال يسلمووووهالإيدين انا راح اطلع مشان ارتاح من ازعاجك وماراح تشوفي وشّي مرة تانيه اقول ماتلاحظون انا شطحنا عن الموضوع خلونا نرجع الحين بس اذا احد معه خمسة ريال علشان الليموزين يرجعني لاني والله مامعي صرف <===عاش مصرف
(( تتميز عن اقرانك الباقين دائما تكون السبّاق الى الحصول على كل ماهو جديد ومفاجئ))
اوه اوه الله العظيم احس ان اللي كتب هالكلام ساحر لعنبو ابليسه جاب كل شئ عني بالتمام
وش عرّفه اني دايم اتميز عن الباقين واني احصل على الجديد قبلهم
الظاهر انه كان معنا يوم نتهاوش مع عيال الحاره اللي جنبنا كنت انا اول من هاجم واول من بدأ المعركه واول من تصفق على وجهه في المعركه والوحيد اللي جاه كف حلاقة ثلاث مرات متتاليه حسب التقارير اللتي بثتها وكالة الانباء الفرنسية فعلا غريب المهم خل نشوف وش مكتوب بعدها
(( مشكلتك الوحيده انك شخص يسهل الضحك عليه تصدق كل شئ يعني صريح العبارة أهبل))
اا احم كح كح عفوا احم انا اصلا قايل من الاول هالمجلات سخيفه والحكي اللي فيها كله سخافه وكله كذب وضحك على عقول الناس لكن بصراحه بصراحه انتم مصدقين هالكلام اللي ينكتب فيه بعضكم راح يقول ان هذي ماوضعت الا بعد دراسات واختبارات وان اللي وضعوها ناس متخصصين وناس فاهمين<=== قايلكم ترا شوي وبيقول انكم سبيتوه بعد
لكن انا اقولكم لو كان هالكلام صحيح لاصبحوا البشر موزعين على ثلاثة اصناف او اربعة يعني
بعد مانجاوب الاسئلة اللي في المجلة راح نجمع الاجابات ونشوف احنا مع اي صنف من الاصناف الموضوعه يعني اذا كنت اكثر اجاباتنا (أ) راح نكون مع المجموعه الاولى واللي يتميزون مثلا بخفة الروح والنظرة الورديه للحياة اما اذا كانت اكثر اجاباتنا (ب) فهذا معناته اننا ننتمي الى المجموعه الثانيه واللي يتميزون مثلا بالجديه وحب العمل والانتظام في الحياة امااذا كانت اكثر اجباتنا(ج) فهذا يعني اننا نتمي مع المجموعه الثالثة واللي يتميزون مثلا الصرامة وعدم المجاملة وكره المزاح الزائد عن الجد وهكذا.
سؤالي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل الناس فعلا مقسمين الى هالثلاثة اصناف
هل الناس مقسمين الى مثل هالمجموعات
اذا كان الجواب نعم فمعنى ذلك ان اسهل علم من العلوم هو علم النفس لانك راح تدرس فقط هالثلاثة اصناف..وتعرف طبائعهم ومشاكلهم
وايضا راح يكون اختيار الصديق الوفي أمر في غاية السهوله لان كل راح يختار الصديق من الي يعجبه بعد مايختبره ويشوف هو من اي صنف من هالاصناف
<==== الله من زين التفكير انا ماكتبت هالموضوع الا بعد ماشفت تعلق الكثيرين وتصديقهم لهالكلام وللمعلومية انا أولهم لكن بعدين حسيت بالسخافه والغباء وانا اصدق مثل الاهبل كل مايقال عن شخصيتي
يعني بالفعل احنا ماعندنا اي مقاومة او تدقيق او فحص للمعلومات اللي نستسقيها <== جلست في هالكلمة ساعه علشان اضبطها من الخارج نحن نتقبل اي شئ كل مايكون له دعاية قوية وزينه جذابة ننجذب نحوه بدون اي تفكير يعني بالله عليكم ياليت تلاحظون معاي هالشئ واحد جالس يقرأ الاسئلة ويجاوب ويبي يشوف تحليل شخصيته
تشوفون كل ماقرا شئ قال والله انهم صادقين انا فعلا كذا وهو يدربي راسه ولا يدري وش السالفه
والاذكياء منهم تلقاه يقرا التحليلات كلها قبل مايختار الاجوبه واذا اعجبه تحليل معين يروح يختار الاجابات اللي توصله لهالتحليل وتشوفه عقبها جالس مبسوط وهو يقارن الكلام على نفسه
اللهم لك الحمد.عموما انا ماحبيت اسوي نفسي عاقل وان يعني شوفوني ناصح وفاهم بالعكس انا ماقلتها الا بعد تجربة وبعد ماعرفت اني ابلة مع ان الكل يقولون انك بتطلع استاذ لكن للاسف طلعت ابله يعني بقعد اتمرمط مع باص نقل المعلمات وحالتي بتصير حالة المهم
فيه بعضكم ياخذها تسلية وهذا الزين يعني قصده تضييع وقت لكن المشكلة في اللي يصدق وماعنده اي استعداد انه يكذّب حرف واحد من اللي يقولونه.
ملاحظه/نفس الشئ ينطبق على الابراج.
قبل الختام ...

في خاطري كلام ...

مااذكره تمام ...

هو عن الاحلام ...

او عن الاوهام ...

وتربية الحمام ...

<====== اقول ورى ماتروح تنام ؟؟


تحياتي لكووون كلياتكووون
اخوكمـ / الدبــ النحيفـــــــــــــــــــــ ـــ

naif2540@hotmail.com

[صايع ضايع]

اقتباس (( انت شخص جذاب..تجذب من حولك)) في هذي ماكذبوا.والله اني جذاب دايم اذا رحت لمكان دايم سبحان الله سبحان الله الذباب مايتجمع الا علي.يترك اخوياي كللللللهم ويجي علي انا

من ناحية هاذي اصفقني

قال ايش قال قال جذاب بس خل عنك ماتغطي على داشر كل الفيران يحبووووونه حتى يشوووتون الدوووولاب حقهم علشان يطلع يبوووون يشووفونه (( يكحلووووون))

بس الذبان هاذا كلنا في الهوا سوا <<< سوا ولا عام <<< عام ولا خاص <<< خاص ولا صوتي


ااااااااااااااااااااااااااااااااااااااااااااااي وش ذا من اللي صفقني بالكعب انا بعرفه


لحظه يؤؤؤؤؤؤؤؤؤؤؤؤؤؤيؤؤؤؤؤؤؤؤؤؤؤ مقاس الكعب 47 اها اكيد هاذي محتاره


47 مهب رجل مرزبه <<< مايدري وش معناة مرزبه نطلب المساعده



see you

[الدبــ النحيفــ]

هههههههههههههههههههههههههههههه
ههههههههههههههههههههههه
يعطيكـ العافيه صيوووووعه علىى مروركـ يا عثل
وبعدين لا جد مملوح انا يا خي <- اقول افلقني لو صدز عاد
وتحياتي لكـ خيووووووو

اخوووكمـ / الدبـــــــــــ النحيفــــــــــ ـــــ

naif2540@hotmail.com

[قارئ الفنجان]

مشكور على هذا الموضوع الحلو

[الدبــ النحيفــ]

حياكـ خيووو قارئ الفنجـــال
ويعطيكـ العافيه علىىى مروركـ
وانت احلىى يا عسل

اخوكمـ / الدبــــ النحيفــــــــ ــــ

naif2540@hotmail.com

[تفوق^الوصف]

<<<<<<<<كأن الدب يكتب عن تفوووق

او اخته من امه وابوه >>>>> كل كلمه قالها تقريبا تنطبق على الاخت <<<<صريحه


وبصراحه ياخوي ,,اكبر شي يخلينا نندفع الى مثل هذي الاشياء حاجه وحده قبل لايكون الفراغ

التسرع ومعرفه انا بالذات باكر كيف بيكون مستقبلي ,,,بس ماتوصل للابراج<<<<ماتصدق هشي



اما سؤالك عن الاصناف من المجتمع

في من يتشابه لكن مافي مثل ماقلت 3 او 4 فقط

ولا ماكان شفت تخصص علم النفس بهلمستوى ,,,واغلبنا يعاني من عدم وجود كليات واطباء له بعكس التخصصات الاخرى <<<<<<< كأنها قلبت بنقاش



يسلمووووووو الدب النحيف ويعطيك الف عافيه