بسم الله الرحمن الرحيم
الاعضاء والزوار الكرام نضع في بدايه رحلتنا لاثرااء مكتبه الترااث بما هو قيم
موضوع( الخيول العربيه )لما كان لها اهميه عند العرب
وهذا الاسبوع نريد منكم التفاعل معنا وتدوين قصايد لشعراء كبااار قدامى في بعض ماقيل بالخيول ونبدأ بقصيده الشيخ راكان بن حثلين التي قالها وااصفا جواده:
الله من عين تزايد عناها =قلب الخطا شفته عن الزاد منصاع
من شوفتي حمراي تقصر خطاها =ومتغير زين التخلخال باضلاع
ياسين يايد سابقي ويش جاها= عسى لها رب المقادير منّاع
ما أدري سبب او لطمه في حذاها =أشوف قلبي عقب هالضلع مرتاع
الهقوة انه عين قرد رماها =مانيب من اللي دبّر الرب جزّاع
ياليت من يدري بغاية دواها= وانه يدور بين شاري وبيّاع
أطلب عسى مولاي يدفع بلاها= الخيّر اللي للمقادير دفاع
السابق اللي شف عيني مناها =لاقربوا لسروجهم كل مطواع
لاقربو قحص الرمك عن كساها= دنوا لي اللي كنها عنز مقطاع
لاشافت القناص غر رفاها =وحقت علي زوله معا سد متباع
جوادي اللي كل شيخ بغاها =ولاني لعلم اللي يبيها بسماع
تهيالي الحمرا وأنا أقصى هواها =لاطار ستر مخوتمه عشر الأصباع
لاجات صرة ساعه ماوراها =عند التوالي تعترض مثل فراع
عند الطحوس اللي هفت في غذاها= والخيل من ضرب المزاريق خراع
ويمني يقصر فعلها عن حكاها= تعدى من السمن المذوب الى ماع
وإن كان غب الكون ماأطري نباها= تقصر عن الفنجال أبو خمسه انواع
مع لابه في الضيق تروي قناها =لباسه الماهود وسمول الأدراع
رماية للشيخ في منتحاها =على ظهور مجاذبه كل مصراع
بصورام كن المشاعل سناها =يشبع بها طير الخضيرا إلى جاع
وكم سربه منهم يتاما فلاها= من كف كل مجرب قد له اوقاع
حريبنا حنا لعينه قذاها =وإن كالنا بالمد نوفيه بالصاع
نقدا مظاهير طوال خطاها= ياما حرمنا هجمة كل مرباع
تاتي مراكيبه تراذب لحاها= يبغي العوافي عقب ماكان طماع
وراعي النفوذ وخدها اللي وراها= يجفل إلى من حن نوينا بالافزاع
ومناقير الصمان خلو شفاها =معف جوانبها شبا كل قطاع
لانثرت دهم السحايب ظناها= وغدا قرار الصلب نيته له أنواع
كم ديرة قفر رعينا حماها =لاطاع من غر الهماليل لماع
وصلاة ربي عد ماهل ماها= على نبي للمخاليق شفاع
وفي ختام هذا القصيده الشامخه للشيخ راكان بن حثلين رحمه الله
نود ان نوضح لكم بعض المعاني لقصيده:::
الهقوة:: الظن
عين قرد:: عين حاسد
صرة:: صعقوا القوم على غفله اي فجأه
غب الكون :: بعد المعركه
ماأطري نباها:: لا أذكر صفاتها الحسنه
مع لابه:: مع جماعه
والمعــــــــــــــــــــــــــــذرة على القصور.........
العرض العادي
