o0o الأقــــــــدار o0o

[,,,ـــاoـــــر]

	o0o الأقــــدار o0o جيت ابي اكتب و انثر الاشعار = قامت بحور الشعر بقصيدي تعنيني قلت بكتب و خلي اوراقي لها منظار = ببحر في بحوره والقلم مجدافٍ يسليني ضاق البحر من مجاديفي و ثار = و اشوف تيك الامواج تنصاني تبيني من غير موعد صابتني وصار الى صار = و على ذيك الشواطي اصحى انا ويني كنت بردان وودي اشب لي نار = ادفي بها جسمي و انشف ثيابٍ تغطيني قمت امد النظر حولي اشوف المنار = و انصى حارسه ممكن لدروبي يدليني لكن ما لقيت من حولي غير الغبار = قلت برقى و اشوف لي طريق ٍ يوديني و من بعيد اشوف نار تيك الدار = قلت الفرج من الله و امشي امد بخطاويني ادق الباب يا هل البيت انا سيار = ادق .. ادق ..و ادق و لحدٍ لد فيني قمت اصيح وينكم و ينك يالجار = فجأه رد علي شيخ ٍ بصوته يلبيني قلت انا تاايه مالى سوا ربي الغفار = و جلست يمه احكي وش الى صار فيني التفت يمي مبتسم ابتسامه كلها ابشار = عرفت ان الجود فيه ساس ٍ دفيني كان من حوله عياله و كلهم اكبار = و الكبير الله لكن بالعمر اكبر مني سنيني و مره علي شهور وانا بامري محتار = ودري ارجع لكن فيه شي ٍ ما يخليني شي ٍ خلى القلب من صدري فار = شي ٍ بذكراه يرعش قلبي و يديني اتاري خفوقي في هوا بنتهم طار = وروحي احس انها تبيه و ما تبيني جيت ابتكلم و بكشف لهم الاسرار = لكن السر فيني تكلم و نطقت به عيني اثر العيون تفضح من غير الستار = رحبو فيني و قالو إلي ابيه بيجيني و اشرطو علي شرط ٍ اصير مثلهم بحار = قلت اسالو البحر عن تربي يميني قالو تشوف ذيك القاع الجدب القفار = ارويها قلت بصلي و لربي ارفع جبيني قالو الله يتمم بالخير و انتظر الاخبار = تكفون يالله بخبر منكم يفرح يجيني طال إنتظاري قلت الزمن على جار = و الصبر فيني مل و لا عاده يواسيني قلت رحمتك يالله يا واحد القهار = اجمعني بمخلوق ٍ بقلبه و حبه يحبيني ضلوع صدري من حبه صارت ضمار = و عيوني استباح السهر فيها وما يخليني بقى من الوقت يوم بليل و نهار = وقت الضحى الخبر منهم اكيد بيلفيني جتني البشاير خلت الدمع فيني حار = قلت ابشر يا وجه الخير بغزال ٍ سميني و اول مولود ٍ لي بسميه بسمك يا سرار = قال انت راعي الاوله و هذا يكفيني بكره موعدي و ليل ٍ كله انوار = ليل ٍ قطفته من بساتين عمري و سنيني و القاء ست البيض ام بيض الخمار = الجادل إلي سلبت قلبي بحبٍ يحتويني ما كنت ادري إني موعود ٍ مع الاقدار = يوم عاندت البحر ورماني بشواطي خديني وسلامة قلووبكم و سلامة نظركم * تحياتي و اشواقي * الــشــ كله ــوق