أمل حياتي
لامن ذكرت اللي على البال يابو خدود *** يفز قلبي وأرتجف في محلي
فكري معه سارح ولو كنت موجود *** عقلي مع المزيون روحي وكلي
لا ما ألوم الروح والشوق في زود *** لا عادت الصدفة لقلبي تتلي
من عقب الريم ماني مع الناس معدود *** حتى حياتي عقبها ما تسلي
الله يردك ياهوى البال وتعود *** تعود للي للـحـــبـيـبـة يهلي
ليتك تلد الشوف بعيونك السود *** ليتك علينا ياحياتي تطلي
وهذي أحاسيسي على قولي شهود *** والشاهد الله والقلم والسجلي
حبي لكم ماله مقاييس وحدود *** يشغلني التفكير لوكنت أسلي
مثل الرضيع اللي عن الديد مفرود *** والا يتيم دمع عينه يهلي
أرفق بحال اللي غدا كنه العود *** خل الدلع ياصاحبي والتغلي
وختامها يالنشاما وأنتم هل الجود *** وش رأيكم بشرح شرحته بخلي
وريح النفل والمسك مخلوط بورود *** وهذي تحياتي وشوقي وقلي
اعجبتني ونقلتها لكم ....
لبيــه
العرض الشجري
