[frame="4 80"]
سافري
سافري
لين آخر الدنيا و تلقيني طفل
ينطر الحلوى مع جيّة ابوه
سافري
لين آخر الدنيا و تلقيني زعل
يمسك ايدينك و يشكي لك من اللّي عذبوه
و ادخلي مثل الملاك
رتبي ايام عمري
و اطردي عني الهلاك
و افتحي كل الستاير
و ان سألتي شاللي صاير
يا بعد وجهي وصدري
هاذي ادموع و زقاير
الليل مو اسود
بس النهار اللي بدونك مات
لا يغرّك
ابيض الشارب و ترتيب الكلام
لا يغرّك
كنت بغيابك احارب
فوق غصن الوقت حافي و كانت الساعة عقارب
سافري لين آخر الدنيا و تلقيني بطل
يسمع اللي قالت امّه
ما يخاف من الظلام
و ما يضيع بهالليالي
بس يناديها تعالي .. و يحبس ادموعة و ينام
للشاعر/ خالد المسعودي
ابعاد فكر[/frame]
ساااااااافري !!!
العرض الشجري
