السلام عليكم
لكم مني هاذهي المتواضعة؛؛؛
تكلمني عن الفراق ويجرحني بها التعبير
تكلمني عن احساسك واثاري ما للغلى طاري
حبيبي قول ما عندك واذا مني بدى تقصير
ابيك تهجي احساسي وتقرى جملة اعذاري
احبك كلمةٍ عيت شفاتي نطقها للغير
لك الله لو غدى حسك احس ان الشقا ضاري
حبيبي لو غديت ارضي انا لك كالسما والطير
انا لك كالجفاف اللي تحرى غيمة امطاري
تعال ..بكل ما عندك حبيبي ما بقالي غير
جروح ودمعتين ٍ عذبن حراس اسواري
تعال ..وعلم القيفان وشهي روعة التصوير
تعال بكل احاسيسك وناظر جرحي العاري
حبيبي والغلا شعب ٍ يثور ولا قوى التحرير
حبيبي والالم جمرٍ مكانه في قصى ناري
حبيبي والخطا منا ولكن عابه التكرير
حبيبي والهوى سرٍ فضحني اكبر اسراري
ابيك تشوف وش باقي من عيوني لسواد البير
ابيك تهيم بأحداقي و تبقا داخل انظاري
ابيك لدنيتي فرحي وابيك لخطوتي تيسير
ابيك بأول اخباري وابيك بتالي اخباري
ترى وان دارت الدنيا انا اللي بذكرك بالخير
ترى وان ضاقت الدنيا انا لعيونك الشاري
تكلمني عن الفرقا وانا ادري خانك التعبير
تكلمني عن احساسك واثر كل الغلا عاري
العرض الشجري
