كأي شخص .. يوم يسر ويوم يضر ... ولكن عندما يتحداك العذاب ...
يوم درنا في فلك حب الليالي الشاعرية=واستدرنا بعض دروة جا بتاليها العذاب
جا يشيل أيام همي جاب الاخبار الردية = قال حظك صار عاثر ثم واعد بالغياب
في زمان صرت تايه أطلب العطشان ميه = العذاب اللي توعد كل أيامي بخراب
قال لي ماراح يرجع لين تجرعها لظيه = جمرة الفرقا كويده ذقها كانك ماتهاب
عقب ماتغاب الليالي والخوي يخلي خويه = عقب ماتمضي الليالي وتكتب الفرقا بكتاب
عقب ماتبين دموعك كنها شموع ضوية = فوق خدك دمعتين من سنين الاكتئاب
عقبها يمكن لك آوي دام مالك مقدرية = دام طبعك وافي له تعشقه لأقصى السحاب
قلت أنا عندي اضافة بالهوى وشمسه وفيه = كان تسمح في كلامي ياعذاب الاغتراب
دنيتي عقبه صعيبه والليالي سرمدية = والسعادة في حياتي كنها شرب السراب
والفضاء كنه قلادة تلها تله قوية = يوم سافر ضقت عقبه في قفص حبي مصاب
حتى شعري ماله داعي والحروف الابجدية = وش يفيد الحرف دامي ماكتبته في جواب
الله يعين المعاني وكل عاشق ذاق كيه = والله يصبر جروحي والله يزيل العذاب
العرض الشجري
