نزولاً عند رغبة كثير من زوار منتدانا ولكثرة الطلبات التي تلقيناها للبحث
عن الفلم كاملاً تم الحصول عليه بطريقه خاصه وتم عرضه هنا
آملين ان يحوز على رضاء الأعضاء
بس لحظه؟؟
فكرت لو انه هذي اختك
ايش راح يكون موقفك؟
ادري راح تقول اوووووووووووه هذا اللي يبي يخرب المزاج
او هذا اللي يبي يتفلسف فوق راسنا
بس خذني على قد عقلي وتخيل معاي.. وتخيل انه فيلم برجس هذا
فيلم عن اختك لاسمح الله ولا يبلى المسلمين
راح تعصب؟
راح تبكي؟
راح تنعزل؟
راح.. راح... راح.... ؟
راح تصير اشياء كثيره
طيب ليييييه؟
لانه مئات اذا ماقلنا الوف راح يطالعون عورة اختك وشرفك
هذا بغض النظر عن تأثير هذي العلاقه على العائله
طيب ماسألت نفسك ليه انت فاتح رسالتي؟
ايه انت؟
تبي تقول تتسلى؟
راح ارد عليك واقول: هي اعراض الناس لعبه؟
طيب ليه ترسله لربعك وباقي الشله؟
تبي تقول نخدم الشباب ونعطيهم الجديد
راح ارد عليك واقول هل شرف البنت صار مسج عن طريق
الانفراريد او البلوتوث او حتى ايميل؟
ادري ادري
انا اللي مسوي نفسي فيلسوف
انا اللي مسوي روحي ملاك
انا الصفحه البيضاء في كتاب كله سواد
بس لاحظ
اني ماعطيتك آيات او احاديث
تدري ليه ؟
لاني مابي اعطيك انطباع على اني شيخ او امام
انا شخص عادي
ويمكن انت احسن مني
ولاتعتبر هذا الكلام وعظ او نصح
هذه مجرد فضفضه من قلبي
من اللي شفته
جوال..
ايميل..
فيديو..
ياخوك فضايح مالها اول من تالي
عسى الله لايبلي المسلمين
واخر كلامي....
عسى الله لايفضح كل اللي فضح احد هنا او هناك
فنان او مطرب او حتى شخص عادي
واللي يقرأ كلامي يقول امين
سلامي للجميع
منقووووووول
العرض العادي
