دام زان الكيف والوضع محفـوف = عندك الاشـواق ذكـرى عابـره
لاتقول الحـب خلـه للظـروف = لاتعـذر بالظـروف القـاهـره
تقلب الاوضاع وعيوني تشـوف = والعذر بأسباب ضعـف الذاكـره
وش بقى من هم يأس وهم خوف = ومن سهر ملّ العيـون الساهـره
ياتعب بحـار ماهـوب مخلـوف = البحـر خطـم طمـوح الباخـره
الوصل ذبلت وروده في الكفـوف = وماتتت آمال الوصـال الفاخـره
الرجا شمسه تغاشاهـا الكسـوف = في رجا صبـح الحيـاه الباكـره
وانت ياحنين ّ على القلب وعطوف = جـرب وتلقـا النتائـج باهـره
استمع لي ياعسا قلبـك يـروف = من يودك كيف تكسـر خاطـره
كيف نايف ينصدم بك ياهنـوف = وصله المؤمـن وفرقـا الكافـره
افهميني والنقط فـوق الحـروف = الامـل انتـي بدنيـا وآخــره
وكان غبتي ماعلى الدنيا حسـوف = ياحقيقـة حـب فعـلاّ نــادره
العرض الشجري
