تعالي يالحون الشعر ولبّي ياحـروف القـاف ..
ترى طالت بي الغيبـه وأنـا مسلـوب وجدانـي
أبشرح مرحله مرّت بها كلّ السنيـن عْجـاف ..
وأبرسم حلمي المنفـي علـى لوحـات جدرانـي
وأبنحت بعضي الهالك على تمثال من أصـداف..
وابجمع بعضي الباقي وأشيلـه جـوف مرجانـي
تعبت أكتم شقى نفسي وأقول إن الصبر مجداف ..
صبرت ولالقيت إلاّ طعـون الوقـت تمـلا نـي
ألمّ الهمّ في كفّـي وتحيابـه عـروق جْفـاف ..
غريبه قصّة عروقي تعيش بموت أغصانـي ..!!
تشوف الموت في ظلّي وتحرمني بلا إنصـاف ..
وغصني واقفٍ يشهد على لحظـات حرمانـي.!
تعب واقف يشوف الظّلم ,, يبكيني بلاأطراف..!!!
وأنا بعضي نعـى بعضـي ولحد(ن)جاوعزّانـي
يكَفّي ياعروق الهمّ ماجانـي مـن الإجحـاف ..
أبدفـن منبـع عروقـك وسِـرٍ جوفـه أشقانـي
قضيت العمر تسقيني ويكفيني شقـى ماطـاف ..
أبلحـق مابقـى منـي قبـل مالعمـر ينعـانـي
وأسمّي نفسي الرّاحل بلاموطـن ولاأوصـاف ..
غريبٍ سقت خطواتي علـى دربٍ تحدّانـي ..!!
العرض الشجري
