السلام عليكم
كيف حالكم
ايش اخباركم
لو دحين الواحد مشي في السوق او في اي مكان عام حيلاحظ شيء تقريبا مشترك في اغلب الشباب
لو الواحد طويل شوية ويقدر يطالع فوووق رؤوس الشباب حيلاحظ في عملية تصحر في المزارع السودا
طبعا هدا الشيء زي ما يقولو العالم انو بسبب الجل وما ادراك ما الجل
قضى على المزارع الخصبة وغير الخصبة ما رحم شيء
بس يا جماااااااااعة لو واحد ما يستخدم جل منكن يصيرلو عملية تصحر؟؟؟؟؟؟؟؟
الجواب ايوا
انا واحد من دولا العالم اللي عمرهم ما حطو جل بس مع ذلك التصحر شغال وبسرعة كبيرة لدرجة اني ازا مسكت شعري وحركتو يطيح شعر كتييييييييييير
كتيييييير ناس قالولي انو هدا دليل على العبقرية بس انا اخالفهم لاني من جنب امها ومن جنب القدة
وفي ناس قالولي وراثة بس ما عندنا الا عمي الوحيد من بين 6 عمان اللي عندو تصلع
وفي ناس قاالولي من موية الجامعة اللي ملوحتها زي موية البحر من غير مبالغة
طبعا هدا الشيء صار مرة يضايقني حتى اظني حااضطر اني البس حاجة على راسي مع اني احب شعري يتنفس بس مشي حالك يا الورور كدا الدنيا
فانتو ايش رايكم
في التصلع عموما وفي تصلعي خصوصا
يلا استناكم
العرض العادي
