بنــت العـــرب
ياعراق العرب وش هي الحاله = صار أكبر همنا نحدق في خصرها !!
ونعلمها بعد شلون مشي الرذاله = ونعودها في الليالي كيف تقضي سهرها !!
من كل مجتمع لازم تبين حثاله = تشوش على بنت العرب وتحط من قدرها
لو سمحنا لفعايل شبيهات البرتقاله = تنتحل شخص العرب وتهز في خصرها
كان نسلب من رجالنا القوة والبساله = ونهدي العدو أرضنا ونحكمه في أمرها
ياعرب وين العقول المستنيره بالعداله = ليه مانمنع هالسوالف وننتهي من أمرها
وش نرتجي من بايعات الهوى والاستماله = غير عار ينجلب للأنفس ويحدرها
بنت العرب بنت الأصول والأصاله = بنت العروبه بالشرف فاحت عبايرها
السمعه والعيش الرغيد ما تجي بالسهاله = تبغى من يتعب لها لأجل يعرف قدرها
وأنا اشوف وضعنا في أسوأ أحواله = وأشوف الروس الشامخه تشرع في حدرها
وأشوف النفوس مستبلده وتقبل الاهانه = ترى الدنيا ما تنضمن حتى غدرها
إصحوا ياعرب إصحوا ياشباب الكرامه = إصحوا يالنفوس الذليله الخاينه بعهدها
يكفي فضايح يكفي نفخر بالاهانه = يكفي نثبت إن الكرامه ولّى زمنها
والخاتمه نعتز بديننا عالى المكانه = والستيره من الله ما غيره سبحانه سترها
وسلامتكم ؛؛؛
تحيـــــاتـــي :
oOo مغـتــرب oOo
العرض الشجري
