قلبي تعذب من عنا جرح الاحساس=وعيني تهل الدمع عالخدين همالي
تصاحبني هموم مالها اول ولامقياس=وجروح خل نوى شد الرحالي
تجرعت العذاب اشكال من شربة الكأس=وتحملت الغياب ايام ماجالها تالي
ياعذابي كلما هب الهواء نسناس= وياعذابي كلما جاني الهم وطرالي
صارت حياتي كلها ياس على ياس=واصبحت كني فاقد خيرة حلالي
على فرقا الحبايب صابني هوجاس=وعلى ذكرى هوانا سهرت الليالي
فيني الوله ظامي كما نبت يباس=صابر سنين وماتهنا بالزلالي
لي صاحب خده كما لمعة الماس=ونظرة عيونه كنها بدر الكمالي
طالت ايام هجره وقلت لا باس=يمكن يجي يوم واشووفه قبالي
في داخلي حب من الساس للراس=وفي داخلي صبر كما صبر الجمالي
رجلي رزينه ماوطت درب الادناس=وفيني الوفى طبع ومشهود بأفعالي
يالله يامعبود ياخالق اجناس=ارحم المشتاق قبل يوم السؤاالي
اخووووووووووكم
ســــــ الوفى ـــــهم
العرض العادي
