يمه .. أنا مالي في هالزرع مقيـال
يمه ربيـع الكـون ماهـو بعينـي
ماشاقني طفلٍ وأنا صـرت رجـال
وأطلقـت بالأيـام مهـرة سنينـي
يمه رضيت بكل مايرضـي الحـال
بس الزمن بالحيـل يلـوي يمينـي
نوّخـت فكـري للتواضـع ولا زال
وجعلت في وكـر الكرامـه جبينـي
ومديت كفيني عطا تشعـل اشعـال
أصابعي شمـع لمـن هـو يبينـي
وجعلت في قلبي للأحبـاب منـزال
وسكنتهـم رغـم علـي عاذلينـي
طبعي كذا ، ماخالطه خبث واهبـال
أشري الذي في خاطـره يشترينـي
يمه ، أنا في عالم الحـب مرسـال
تكفيني من نار العـذاب ادركينـي
كنت أذكر البسمه على شفاة الأطفال
كانت تحـرك كـل الأفـراح فينـي
صمتي قتل في داخلي كـل الآمـال
وتبخـرت أحــلام أول تجيـنـي
كنت أحسب الدنيا قصيـدة ومـوال
موالها فـرح ، وفرحهـا هجينـي
لكن نغمها ماطرالـي علـى البـال
ان الليالـي بطبعـهـا تكتفيـنـي
يمه ، جهلت اسنين ، وسنين أطوال
أمشي وتصفق في هواهـا يدينـي
أطرد سراب وداخل الأرض زلـزال
آه الظمـا يقتـل سنابـل حنينـي
يمه كفوف البـرد ماتدفـي الشـال
أرمي الزمان وبالحنـان احضنينـي
يمه شكيت ومابغيت أشكـي الحـال
صوت انهتف في داخلي سامحينـي
:
:
ويلان ..
تجي .. وتغرقنا .. وتمشي !!
والله أحترت مدري وش اختار ؟؟
كل بيت احلى من الثاني ..
غرق
غرق
غرق
فمااجمل الغرق بحرفك ..
الله يسعدك ..
لا تحرمنا من هالقصيد الحلو ..
سلالالالالالالام ,,
العرض العادي
