هذة القصيدة أعجبت بها إعجاباً
شديداً وحبيت انقلها لكم
للشاعر المبدع سعد بن علوش
تــــــفــــضــــــلــــــوا
7
7
7
7
7
إخذيني اليا عجبتك بس رديني= وإن ماعجبتك خلاص إخذيني ماابيني
مادامني شفت فيك الطهر والعفة= باعيف نفسي لامنك كرهتيني
إخذيني لو أعتبر من ضمن أشياءك= وانا باحبك ولا لازم تحبيني
لابي علاقة ولابي نظرة وبسمة= إحساسي أني بقربك بس يكفيني
ولو إني أنضفت لأشياءك غصب عنك= طلي علي ياغناتي لاتخليني
تراي لاجا المصامد ماني بهين = تقول كن العرب لعبةٍ بيديني
شخصيتي من غرابتها وطيبتها= كن الزمن في تحدي بينه وبيني
إخذيني الشاعر اللي ماصدق حظه= لاقلت ياحظ وينك؟ قال ياويني
إخذيني المبدع المتفلسف التحفة= مؤمن وتضحك على العالم شياطيني
شهرة شكسبير وأفلاطون ونيوتن= لاقلت لي بيت شعر.. تطيح من عيني
إخذيني العنصري اللي صدق متعنصر= من دون ربعي لو أقطع شراييني
إخذيني اللي ليا منه طلب يعطى = وتكفين لامن طلبتك لاترديني
تكفين ياغايتي يابهجة الدنيا = اب أحرق قلوب ناسٍ ماتدانيني
إخذيني بكل شوق وقولي أحبه = وإن شككوا فيك ولا في ضميني
قولي سعد والله انه غالي جدا = وياجعل فدوة شبابي وآخر سنيني
وانا باصدق كلامك واعتنز بالله= وباقول للناس مايعنيك يعنيني
وانا علي نذر مارخص جيتك وانتي= نذر على رقبتك إنك .. ماتخليني
))) ســـعـــد بـــن عـــلــــوش (((
تــــــــــــــــحـــــــــيـــــــــــــاتـــــــ ــــــــــــي
العرض العادي
