انا وصلت ولا عليه من الغير =وعندي بشعري يا خصيمي قناعه
يكفي قصيدي رددوه الجماهير =واكبر دليل مروجين الاشاعه
انا دلع نجد منبعي كله الخير =متواضعه ما جيت درب الشناعه
بنت وعريبه ساس منجب مناعير =ما علموني للردئ والقطاعه
وقفاتهم تعرف بوقت المعاسير =وتاريخهم يشهد لهم بالشجاعه
واللي تكلم ما خلق في تاثير =قناعتي فوق الحكي وانطباعه
ما همني تشهير بعض الشواعير =ولا هزمني حربهم واندلاعه
عندي اعتباري فوق كل الاساطير =لا حطو العزه سواة البضاعه
وان عذربوا شعري طوال المناقير =ما اثروا بي لو حكوا بالبشاعه
شعري اصل ما هو دعايه وتزوير =لا وقت هجوس كتبته بساعه
وليا كتبت القاف ما اسال ولا اشير =الراي رايي ما استشير الجماعه
ويكفيني اني اختصرت المشاوير =وصلت يوم الغير ما طال باعه
لا صدق تسلمين وما ننحرم من مواضيعك الحلوه واول شاعره لازم بنهدالها هالكلام هي انت لانك انت الي تستحقين هالكلمات
العرض العادي
