روحي بهوى ساهي العين ولها
وحك الالف واللامين والها
خد شبه البدر لو سطع ضيه
لها ثغر وجبين وعين والها
وعليك اهروش كلبي اذبلن والوان
خدك جل نار الورد والوان
يفت بحشاي حن واعطف عليه
نوحي زاد يامدلول والوان
علي وغذاي دوم الصبر والهام
روحي والهوه وديناي والهام
احباب السروا ماتركوا وصيه
يعاذل شلك عندي بعد والهام
اسب اللامني بودك وناحاي
حزني عليك مايبطل وناحي
ليلي والنجم يشهد عليه
تبات الناس مستوره ونا حاي
سبب مجنون مثلي عليك ماهام
انه بغيرك يحلو الطول ماهام
اليوم وخلفوا ناري سريه
امس جانوا احباب الكلب ماهام
عليك ادموع عيني اتسيل مايت
بطيت اشعطلك بالوعد مايت
عليك ولا تكول اصار بيه
جروح الي بكلبي عدد مايت
التمسك واجب بشخصك وحي بيه
فرض حبك نزل يشكر وحي بيه
غريمك طاح بشراف المنيه
اطعمني من عذب ريجك وحي بيه
طر كلبي اليسوك الضعن وحده
وحك اللي تجله بعرش وحده
سراكم لو تريد اتعم عليه
انشدك ليش سودك فرد وحده
تسل الروح بودادك ولا ييت
بطيت اشعطلك عني ولا ييت
يجمعون الشمل كبل المنيه
بجاه المصطفى الهادي ولا ييت
تظل بالكلب من فركاك ونه
يحادي الضعن بالله عليك ونه
شره وياك يالذاتك وفيه
لنه شف ومحبه بيك ونه
يخايب لفني وياهم بلحداي
يحادي روعت كلبي بلحداي
على الساروا وخلوني شجيه
اون طول الدهر حتى بلحدي
حبيبي كمت اكل للروح صبراي
حبيبي جفاك المعبود صبراي
حبيبي يصعب فراكك عليه
حبيبي من ذكرتك نفذ صبراي
علي وشلون اشيل الجدم وعداي
روحي والهوى ودنياي وعداي
ابفرح لو دوم وكتي محيط بيه
صابر وانتظر واشوف وعداي
على اللي عشرتي وياه منه
اف من زماني اه منه
اكله فوت بيه يرد عليه
اكله الدرب هذا يكول منه
اتمنى انها تعجبكم انشالله
العرض الشجري
