اهلييييييييييييين الله يحيني
هذي اول مشاركه وعاد قلت خل اقط الميانه من اول شي
عاد قلت بشارك بهالموقف اللي صار لي
والله شويه حسيت اني شايب انتم عارفين محاكيكم من سكان الرياض ابو الشباب ماخذ مقلب بنفسه انه مشهور
وابد والله الموقف اللي صار لي والله كنت ماشي بامان الله في احد شوارع الرياض ادور لي مطعم جديد اكتشفه انا مابعد اكتشفه غيري
طبعا وتوقفني الاشاره وانا مغير مبقق عيوني ادور مطعم اتعشا فيه عاد محاكيكم موب دب
جسمي حليو يعني ماودك ياللواحد الاتصور جنبي جسمي مع اني مهنا شي مااكله
عاد اجيكم بالسالفه اللي والله خلت ثله من الاولاد والبنات يضحكون علي هزلت والله
عاد وانا اقولكم مغير التفت يمين وشمال كني مروحه الي مدري شيسمونها المهم المروحه اللي مو بسقف الغرفه
المروحه الي تحطها جنبك وتبلشك كل شوي رايحه يمين وشمال وطبعا تطلع صوت مدري وش سنعه
المهم مدري الا وذا راعي السياره اللي جنبي يضرب لي بواري وابو الشباب اللي هو انا لاهي وبعد جهد جهيد انتبهت واشوفه واحد شباب معه عايله ويقول سلام اخوي وانا اقول مرحبتين امون انا ووجهي شوي واسفط واركب معهم ماعطى وجه عاد سالني قال ماتعرف اخوي وين سوق الهرم وهو يسال جتني حاله صمخ قلت هلا قال وين سوق الهرم وانا اقول هلا شوي ويشوتني عاد كان معه بزر قدام قال سوق الهرم عاد انا هنا سويت نفسي قالت اييييييه والله مدري وين سوق الغنم
عاد انا قلت الغنم والا ماقلتها ماسمع الا الضحك من كل حدب وصوب وقال لا وش غنمه الهرم الله يحيك عاد احمرت خدود وعلمته وينه وانا اسمع اهله اللي ورى شكلهم متسدحين من الضحك عاد قلت مايخالف اعظم للاجر وهذا موقفي وانا عارف انه
يفشششششششششششششششل لكن عشان نخلي البساط من اولها احمدي معكم
وانا اللحين بروح ازط لي شي واكله وبقولكم ان شاء الله موقفي الثاني اللي صار لي بالعيد اذا جيت واللحين انا بطلع اتغدى
وماعليش انا عارف انكم تقولون ياسفااااااااااااااااااابك واحد ماخذ مقلب بنفسه
وعلى العموم اشوفكم على خير مع موقفي الثاني وبحوم كبدكم من كثر مواقفي اللي تقطع الوجه
بااااااااااااااااااااااااااااااااااااااااااااااايو ولا احد يشره
أجل سوووق الغنم بالله واحد طالع مع أهله بيروح سوق الغنم
الله يرجك أخوووي ملتاااع على هالموقف ,,, من جد فشيلة ,,,
مشكووور أخووووي على هالموضوع الحلو ,,, والله يحييك معنا في منتديات الود ,,, نتمنى لك قضاء أسعد وأمتع الأوقات برفقة اخوانك وأخواتك أعضاء الود ,,, وان شاء الله تفيد وتستفيد ,,, ونحن بانتظار جديدك الأحلى إن شاء الله ,,,
ماعطى وجه عاد سالني قال ماتعرف اخوي وين سوق الهرم وهو يسال جتني حاله صمخ قلت هلا قال وين سوق الهرم وانا اقول هلا شوي ويشوتني عاد كان معه بزر قدام قال سوق الهرم عاد انا هنا سويت نفسي قالت اييييييه والله مدري وين سوق الغنم 
وعلمته وينه وانا اسمع اهله اللي ورى شكلهم متسدحين من الضحك عاد قلت مايخالف اعظم للاجر وهذا موقفي وانا عارف انه
صيفنا مه اهلنا احلى (شسوي بحلت مالقيت موضوع ولطشت ذا من التلفزيون)
العرض العادي
